Revyja më e pabesueshme në Javën e Modës në Paris: Modelet mbanin fustane të kthyera poshtë

Disenjatorët holandezë do të mbahen në mend, sepse bënë një arritje mbresëlënëse dizajni

Pikërisht kur menduat se i keni parë të gjitha momentet ekstravagante në Javën e Modës në Paris me kokat e kafshëve në fustane, ndodhi shfaqja e stilistëve holandezë të avangardës Viktor & Rolf.

Shfaqja, e cila i shtyn kufijtë, filloi me manekinen duke ecur me një fustan të gjatë të bardhë me një fund tyli dhe me temina, por vetëm disa shikime më vonë një fustan i ngjashëm u duk sikur ishte shkëputur plotësisht nga busti i manekines, transmeton Telegrafi.

Pas kësaj, manekinet i kanë veshur fustanet nga çdo kënd që mund të imagjinohet.

Ylli i mbrëmjes ishte një fustan blu i kthyer tërësisht mbrapsht.

Fustani që sfidonte gravitetin mbuloi plotësisht fytyrën e manekines, e cila disi arriti të ecte, pa i ndodhur ndonjë aksident.

Koleksioni përfaqëson një arritje mbresëlënëse dizajni, por sigurisht që nuk është diçka që mund të vishet kudo.

Megjithatë, kjo nuk është në të vërtetë qëllimi i Javës së Modës, apo jo?

/Telegrafi/