Dani Alves ndan qelinë me “Coutinhon”, ai mbetet në burg i shqetësuar për shëndetin e tij mendor

Ish-mbrojtësi i Barcelonës, Juventusit dhe Sevillas, braziliani Dani Alves, ndodhet në burg me akuzën e abuzimit seksual, duke ndarë një qeli me një të burgosur të njohur si “Countinho”.

Alves u akuzua për kryerjen e një sulmi seksual më 30 dhjetor, për të cilin ai ndodhet pas hekurave. Nëse shpallet fajtor, ai përballet me dënim me burg nga 4 deri në 12 vjet.

Megjithatë, vëllai i tij Ney pretendon se gjithçka është në të vërtetë një komplot.

Nga ana tjetër mediat janë të mbushura me raportime për këtë rast dhe Marca ka kontaktuar me avokatin e tij, ku u zbulua se Alves po merr terapi për trauma dhe përdor pilula gjumi.

Alves që atëherë është transferuar në një burg tjetër, më të vogël në zonën e Barcelonës, por zyrtarët e burgut janë më të shqetësuar për shëndetin e tij mendor sesa për sigurinë e tij. Kjo është arsyeja pse braziliani është nën vëzhgim të vazhdueshëm.

Lexo po ashtu “Dani ra në një kurth dhe është viktimë e një komploti djallëzor”, vëllai i Alves flet rreth akuzave dhe arrestimit të brazilianit

Gjithashtu kishte informacione se Alves ndan një qeli me bashkëkombasin e tij Countinhon, i cili ka të njëjtin emër me ish-bashkëlojtarin e tij nga Barcelona.

Ende nuk ka një datë fillimi të gjykimit. Siç shihet në shembullin e ish-presidentit të Barcelonës, Sandro Rosell, paraburgimi parandalues ​​mund të zgjasë me vite.

Ai kaloi dy vjet e gjysmë në burg në pritje të zgjidhjes së çështjes së tij./Telegrafi/