Bujar Osmani: Bullgaria ka rënë në provokime, tërheqja e ambasadorit është e pabazë

Ministri i Punëve të Jashtme Bujar Osmani shprehu keqardhjen që Bullgaria tërhoqi ambasadorin e saj në Maqedoni, Angel Angelov.

Ai beson se kjo është e pabazë dhe fqinji lindor iu nënshtrua provokimeve. Sipas tij, duhet të veprohet gjakftohtë dhe me kujdes, për të mbrojtur interesat, dhe jo siç thotë ai: “të hipim në karrocën e emocioneve publike, të marrim duartrokitje afatshkurtra, por të krijojmë probleme afatshkurtër”.

Lexo po ashtu Bullgaria tërheq ambasadorin e saj nga Maqedonia e Veriut

“Aktivitetet e fundit të Sofjes nuk janë në përputhje me praktikën e rënë dakord për përmirësimin e marrëdhënieve, por po i nënshtrohen provokimeve. Thirrja e ambasadorit në vendlindje mund të jetë praktikë e zakonshme, MPJ shpreh keqardhje për një hap të tillë, të cilin e konsiderojmë të pabazuar, të pambështetur me argumente të vlefshme dhe joproporcional”, tha Osmani.

Ai e dënoi ngjarjen e fundit në Ohër, ku u sulmua sekretari i klubit bullgar.

“Incidentin e fundit e kemi kaluar në proceset gjyqësore. Ne e dënuam ngjarjen, bëra një vizitë në Sofje ku treguam edhe një herë vendosmërinë e autoriteteve shtetërore për të ruajtur sigurinë juridike. Dënimi ynë ka qenë pasi Prokuroria e Ohrit ka bërë vlerësimin fillestar se incidenti ka ndodhur për shkak të shenjave të identitetit”, shtoi Osmani./Telegrafi/