Barca kryen detyrën ndaj Sociedadit dhe vazhdon në gjysmëfinale të Kupës së Mbretit

Barcelona është kualifikuar në gjysmëfinale të Kupës së Mbretit pas fitores së arritur në Camp Nou kundër Real Sociedadit (1-0).

Katalunasit e nisën sfidën me sulme të njëpasnjëshme. Fillimisht, Frenkie de Jong e futi topin në rrjetë, por u anulua për pozitë jashtë loje.

Vendasit vazhduan me rastet e Ousmane Dembele, sërish De Jong e Gavi, ndërsa për mysafirët rrezikoi Pablo Marin.

Në minutën e 40-të të takimit, Sociedadi mbeti me një lojtar më pak në fushë pas përjashtimit të Brais Mendez me karton të kuq. Gjyqtari fillimisht i dha karton të verdhë, por pas konsultimit të VAR-it e përjashtoi nga loja.

Nuk vonoi shumë në fraksionin e dytë (52’) dhe pas një aksioni nga e djathta, Dembele e zhbllokoi rezultatin.

Rastet vazhduan, me Gavin që e goditi shtyllën, megjithatë nuk u shënuan gola të tjerë deri në fishkëllimën e fundit të gjyqtarit.

Falë këtij triumfi, Barcelona kualifikohet në gjysmëfinale të Copa del Rey, ndërsa Real Sociedadi largohet nga gara në këtë fazë. /Telegrafi/

OUSMANE DEMBELE WHAT A GOAL 🔥🔥🔥🔥🔥🔥🔥
pic.twitter.com/78DTVUpeCG

— H (@hazfcb_) January 25, 2023