Gazetarja rrëfen momentin kur Capello e largoi nga fusha, sepse i ‘shpërqendronte futbollistët’ e Realit

Alison Bender është një gazetare, e cila ka punuar me media të njohura sportive, si Real Madrid TV, Sky Sports News, TalkSPORT e ESPN, ndërsa CV-ja e saj është për t’u admiruar.

Mirëpo, duke qenë një femër në një sport të dominuar nga meshkujt, ajo ka rrëfyer për disa prej vështirësive që i ka përjetuar gjatë karrierës.

Gjatë një interviste me SunSport, nga 45-vjeçara është kërkuar të rrëfente një prej incidenteve të veçanta të karrierës së saj.

Ajo e ka përmendur kohën kur punonte te Real Madridi, kur trajner ishte Fabio Capello dhe italiani e kishte larguar për shkak se i dukej provokuese dhe i shpërqendronte lojtarët.

“Kur isha në Real Madrid TV, Fabio Capello ishte trajner në një periudhë. Mbaj mend që shikoja stërvitjen, sepse isha shumë i interesuar dhe kaq i pasionuar dhe doja dëshpërimisht të mësoja nga më të mirët”.

“Isha atje me bllokun e shënimeve duke shkruar për secilin lojtar që ishte në stërvitje, çfarë po bënin dhe çfarë po thoshte Capello. Por, ai gjithmonë dukej dyshues ndaj meje dhe nuk i pëlqente fakti që unë qëndroja afër dhe gjithmonë më largonte”.

“Isha i sigurt se kjo ndodhte pasi isha femër. Dhe një ditë na thanë se Capellos nuk i pëlqente ajo që kishim veshur, sepse po ‘i shpërqendronte futbollistët’ dhe të gjithëve na dhanë bluza polo”.

“Megjithatë, unë asnjëherë nuk vishesha provokuese, ndërsa pastaj bluzat polo u konsideruan shumë provokuese. Prandaj, kishte gjithmonë një lloj vështirësie, derisa unë thjesht përpiqesha ta bëja punën time”, ka rrëfyer ajo. /Telegrafi/