“Kamionë me arkivole për ushtarët rusë” shihen në qytetin ukrainas Khrustalnyi

Një gazetar ukrainas ka shpërndarë një video, ku shihet sesi një kamion mbushet me arkivole të përgatitura për ushtarët e mobilizuar rusë.

Denys Kazanskyi postoi videon nga qyteti i pushtuar ukrainas Khrustalnyi në rajonin e Luhanskut, transmeotn Telegrafi.

Moska mëton të marrë nën kontroll tërë Luhanskun dhe rajonin fqinj Donetskun, por deri më tani ka pësuar humbje shumë të mëdha si në njerëz ashtu dhe në makineri luftarake.

Occupied Khrustalnyi (formerly Krasnyi Luch), Luhansk Oblast. Trucks with coffins for mobilized Russian soldiers. #StopRussia

Source: Telegram channel of Denys Kazanskyi pic.twitter.com/h2uyzVD7Zp

— UkraineWorld (@ukraine_world) January 24, 2023

Kujtojmë që në këtë rajon të Ukrainës nga fillimi i luftës zhvillohen luftime të ashpra mes rusëve dhe ukrainasve, dhe vazhdimisht të dyja palët pretendojnë se kanë korrur fitore.

E Kievi vazhdimisht thekson, se nuk do të lejojnë që as edhe një pëllëmbë e territorit të Ukrainës të ndahet dhe t’i bashkohet Rusisë.

Madje presidenti ukrainas Volodymyr Zelensky vazhdimisht i bën thirrjeve vendeve perëndimore, që t’i dërgojnë sa më shumë armë që t’i kundërvihen rusëve. /Telegrafi/