Politikani serb thotë se Serbia do ta njohë Kosovën, e përgëzon Kurtin për politikë të guximshme

Kryetari i Lëvizjes Qytetare “Odgovor”, Boban Bogdanoviq, thotë se Kosova do ta marrë njohjen nga Serbia. Ai gjithashtu ka lavdëruar kryeministrin e Kosovës, Albin Kurti, për, siç thotë ai, këmbënguljen dhe politikën e guximshme që po udhëheq. 

Bogdanoviq, në një postim në rrjetin social në Twitter, ka shkruar se “Kosova do ta marrë njohjen nga Serbia”.

🇽🇰 ће добити признање 🇷🇸, то је данас потврдио @avucic
Ту чињеницу треба поздравити због регионалног мира и пуне стабилности региона Западног Балкана и свих нас, који улажемо велике политичке напоре у циљу коначног решења.
А 🇷🇸?
🇷🇸 ће добити највећег издајника у својој историји!

— Boban Bogdanović (@DissidentAnswer) January 20, 2023

“Këtë e vërtetoi sot Aleksandar Vuçiq. Këtë fakt duhet përshëndetur për shkak të paqes rajonale dhe stabilitetit të plotë të Ballkanit perëndimor dhe të gjithë neve, që investojmë përpjekje të mëdha politike me qëllim të zgjidhjes përfundimtare. Kurse Serbia do ta fitojë tradhtarin më të madh në historinë e saj”, ka shkruar Bogdanoviq.

Në një postim tjetr në Twitter, Bogdanoviq e ka përgëzuar kryeministrin Kurti për këmbënguljen e tij politike.

“E përgëzoj kryeministrin Albin Kurti për këmbënguljen e tij politike, e cila do të synojë anëtarësimin e Kosovës në OKB”, ka shkruar Bogdanoviq, transmeton Telegrafi.

E përgëzoj kryeministrin @albinkurti për këmbënguljen e tij politike, e cila do të synojë anëtarësimin e 🇽🇰 në 🇺🇳.
Normalizimi i marrëdhënieve me 🇷🇸, përkushtimi i 🇽🇰 për integrime euroatlantike dhe bashkëpunimi me serbët e 🇽🇰 është politikë e guximshme e @albinkurti
Urime 🇽🇰🇪🇺🇷🇸

— Boban Bogdanović (@DissidentAnswer) January 20, 2023

“Normalizimi i marrëdhënieve me Republikën e Serbisë, përkushtimi i Kosovës për integrime euroatlantike dhe bashkëpunimi me serbët e Kosovës është politikë e guximshme e Albin Kurtit”, ka shkruar ai.

Ndryshe, kryetari i Lëvizjes “Odgovor”, Boban Bogdanoviq, më 17 dhjetor 2022, derisa po kthehej nga Kosova është ndaluar në vendkalimin kufitar në Merdar, ku policia e Serbisë nuk e ka lejuar të hyjë në Serbi./Telegrafi/