Getinjo rrëfen për periudhën e vështirë të fëmijërisë: Nëna më ka futur në frigorifer për të shkuar në Gjermani

Reperi i njohur, Getinjo është njëri prej banorëve më të komentuar në Big Brother VIP Kosova.

Së fundmi, reperi nga Ferizaj ka bërë një rrëfim emocional për fëmijërinë e tij dhe familjen duke treguar për vështirësitë që kanë kaluar.

Getinjo u shpreh se nëna kishte sakrifikuar shumë që familja të bashkohej në Gjermani atje ku babai i tyre jetonte prej vitesh.

“Pas një rrugëtimi të gjatë që kaluam ilegalisht për në Gjermani, nëna nuk është dorëzuar kemi provuar të kalojmë kufirin ishim në një kamion, unë kam qenë dy vite e gjysmë ose tre, nëna për të më fshehur mua që të mos më shohin policët kufitar më futi në një frigorifer, ka qenë një rrezikim dhe vendim i vështirë i saj por kur kemi hasur në kontrroll më kanë gjetur edhe mua aty. Mbaj mend që kanë qenë një gëzim i madh takimi i nënës me babanë, e përgëzoj nënën për guximin që kishte duke u nisur në një rrugë të gjatë e vetmuar, me një fëmijë, është e rrezikshme çfarë ka bërë ajo”, ka thënë ndër tjera Getinjo.

Pas përfundmit të rrëfimit, Getinjo u befasua nga babai i tij duke bërë që të dy të kenë një takim emocional me njëri-tjetrin.

Përveç mbështetjes që tregoi për të birin, babai i reperit gjithashtu e këshilloj që të vazhdonte rrugëtimin në BBVK ashtu siç e ka nisur. /Telegrafi/