Reagon edhe OSBE-ja: Dënojmë sulmin në Shtërpcë, personat përgjegjës të sillen para drejtësisë

Misioni i OSBE-së në Kosovë ka dënuar sulmin ndaj dy qytetarëve të Kosovës në Shtërpcë.

Në reagimin e tyre thuhet se veprimi i shpejtë i Policisë së Kosovës në kapjen e autorit të dyshuarit duhet të ndiqet nga personat përgjegjës që të sillen para drejtësisë.

“Ne dënojmë me termat më të ashpër të shtënat me makinë në afërsi të Shtërpcës më herët gjatë ditës së sotme, në të cilën u plagosën dy persona. Veprimi i shpejtë i Policisë së Kosovës në arrestimin e një autori të dyshuar është i mirëseardhur dhe duhet të ndiqet nga personat përgjegjës që të sillen para drejtësisë”, thuhet në postimin e OSBE-së në Twitter.

1/2
We condemn in the strongest terms the drive-by shooting near Štrpce/Shtërpce earlier today, in which two people were injured. Swift Kosovo Police action in arresting an alleged perpetrator is welcome and must be followed up by those responsible being brought to justice.

— OSCE Kosovo (@OSCEKosovo) January 6, 2023

Tutje, ata kanë thënë se duhet të ketë zero tolerancë për akte të tilla dhune.

Dy persona, njëri 11-vjeçar e tjetri 21-vjeçar, janë plagosur këtë të premte në fshatin Drajkovc të Shtërpcës, pasi në drejtim të tyre është shtënë me armë zjarri nga një automjet në lëvizje.

I dyshuari për këtë rast, A.K. i moshës 33 vjeçar, është identifikuar dhe arrestuar nga Policia e Kosovës. /Telegrafi/