Ronaldo prezantohet në stadiumin e stërmbushur: Përshëndet fëmijët, gjuan disa top dhuratë për fansat dhe pastaj e mbyll me familjen e tij në skenë

Cristiano Ronaldo është prezantuar në një ceremoni madhështore te klubi i Arabisë Saudite, Al Nassr.

Stadiumi “Mrsool Park” ishte i stërmbushur me tifozë, të cilët me padurim presin ta shihnin yllin portugez në fushë me fanellën e ekipit të tyre.

Pas konferencës për shtyp dhe njohjes me bashkëlojtarë dhe stafin e trajnerëve, ishte koha për tifozët në tribuna, pasi shumë prej tyre po mbanin fotografi të Ronaldos.

Ai doli nga një tunel ku shkruhej emri i tij dhe ishin ngjyrat e klubit, ndërsa me të dal nga to filloi zhurma e madhe në stadium, ndërsa fëmijët kishin krijuar një tunel në hyrje të fushës, ku CR7 të gjithë i përshëndeti.

Walks of the greatness 🐐💛 pic.twitter.com/7FzLZSchQ5

— AlNassr FC (@AlNassrFC_EN) January 3, 2023

Pastaj ia mbajti një fjalim të shkurtër, për të kaluar pak kohë me tifozët, ku në drejtim të tyre gjuajti disa topa të nënshkruar nga ai.

Në fund edhe familja e tij u fut në fushë, gruaja me fëmijët, për të përshëndetur të pranishmit.

🔊 Ronaldo.. Ronaldo.. Ronaldo 🤩 pic.twitter.com/b5gHbSEJfn

— AlNassr FC (@AlNassrFC_EN) January 3, 2023

Në një “Forca Al Nassr’ në gjuhën arabe mbyll prezantimi i yllit të madh.

Cristiano Ronaldo ka mbërritur mbrëmë në Arabinë Saudite dhe sot i ka mbyllur të gjitha marrëveshjet me klubin, ku do të jetë lojtari më i paguar në histori me 200 milionë euro në vit. /Telegrafi/