Situata në veri të Kosovës vazhdon të jetë e brishtë. Tri pikat kufitare mes Kosovës dhe Serbisë vazhdojnë të jenë të bllokuara shkaku i barrikadave të vendosura nga grupet e serbëve lokalë tash e 19 ditë.
Mbrëmë u vendos edhe një barrikadë në Merdar në pjesën verilindore të Kosovës, vendkalim kufitar ky që përdoret në masë të madhe nga diaspora e Kosovës.
E karshi kësaj situate tash e tri javë vazhdojnë të heshtin përfaqësuesit special për Ballkanin Perëndimor të emëruar nga SHBA-të, BE-ja, Britania e Madhe, Gjermania e Sllovenia.
Për situatën në veri shkurt folën gjatë një vizite të tyre në Prishtinë më 14 dhjetor, përfaqësuesi special për Ballkanin Perëndimor nga SHBA-ja, Gabriel Escobar dhe ai i BE-së, Miroslav Lajçak.
Escobar dhe Lajçak thanë se rruga diplomatike është e duhura për heqjen e barrikadave në veri, derisa i bënë thirrje Kosovës që të respektoj marrëveshjen e Brukselit për krijimin e Asociacionit të Komunave me shumicë serbe.
Që nga kjo deklaratë Escobar dhe Lajçak nuk kanë dhënë më asnjë opinion rreth situatës së krijuar në veri e cila dita ditës ka shkuar duke u përshkallëzuar.
Heshtje ka mbretëruar edhe përfaqësuesi special i Britanisë së Madhe, Sir Stuart Peach, ai i Gjermanisë Manuel Sarrazin dhe slloveni Anzhej Frangesh.
Këtë heshtje të tyre profesori i Shkencave Politike, Dritëro Arifi po e sheh më shumë si “vëzhgim” të asaj se deri ku mund të shkojnë Kosova dhe Serbia.
“Ekziston një opsion që perëndimi po dëshiron të shoh se deri ku palët janë të gatshme të shkojnë, në njëfarë mënyre që tu tregoj të dyja palëve që janë të paaftë të zgjidhin vet situatën dhe ti sjellin para një akti të kryer, që i bie nën një: Serbinë ta detyroj ta pranoj realitetin e ri ta njoh Kosovën në atë marrëveshje finale dhe nën dy: Kosovën ta detyroj ta zbatojë marrëveshjen e Brukselit që si përfundim asnjëra palë nuk mund të lëviz më shumë dhe vetëm mund të prodhohet kaos, kjo është vetëm njëra anë e medaljes”, ka thënë Arifi për Telegrafin.
Ai tutje ka shtuar se Qeveria e Kosovës për momentin i ka “duart e lidhura” në shumë aspekte sa i përket veprimit në veri, duke përmendur këtu mos funksionalizimin e institucioneve në veri.
“Qeveria e Kosovës duhet të jetë e durueshme dhe e kujdesshme. Duhet të ruhet nga retorika nacionaliste dhe nxitëse pavarësisht që e drejta është në anën tonë, por duhet një kujdes jashtëzakonisht i shtuar dhe durim institucional që gjithçka të koordinohet me SHBA-të, që edhe nëse eskalon situata të mos jetë në dëm të Kosovës.
Duhet të jemi të kujdesshëm që mos ta eskalojmë situatën sidomos nga ana jonë, që me një koordinim strategjik të gjendet një zgjidhje që të qetësohet situata. Qetësimi i situatës i konvenon vetëm palës kosovare, Qeveria duhet të jetë e përmbajtur”, u shpreh Arifi.
Telegrafi i ka dërguar pyetje edhe Bashkimit Evropian për të parë qëndrimin e tyre rreth zhvillimeve të fundit në veri, por të njëjtit nuk janë përgjigjur deri më tash.
Disa serbë lokalë në veri të Kosovës, qysh më 10 dhjetor, fillimisht kanë ngritur barrikada në rrugët që çojnë në dy pikat kufitare me Serbinë, Jarinjë dhe Bërnjak, e pastaj edhe në rrugë të tjera duke e quar në 14 numrin e barrikadave.
Kjo ka qenë përgjigja e tyre ndaj arrestimit të ish-policit serb, Dejan Pantiq, nga autoritetet e rendit në Kosovë.
Atij fillimisht i është shqiptuar masa e paraburgimit prej një muaji, ndërsa më vonë është dërguar në arrest shtëpiak. Pantiq dyshohet se organizoi “sulm terrorist” në zyrat e Komisionit Qendror të Zgjedhjeve në veri të Kosovës. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Ali Ahmeti: Maqedonia është shtet i të gjithëve, ekonomia nuk mund të përparojë e ndarë etnikisht
Profesori shqiptar nga Londra: Në Britani të Madhe i gjithë spektri politik është pro Kosovës
Deputeti i LVV-së akuzon opozitën, Basha: Po i shtrembëron raportet ndërkombëtare për Kosovën
Një milion qytetarë të regjistruar deri më tani, dalin statistikat sipas komunave
Dënimi me 25 vjet i Sekiraqës, babai i Triumf Rizës: Kurrfarë vendimi, nuk e kuptoj si më të vlefshëm kriminelët se polici që mbron ligjin e shtetin
25 vjet burgim për Enver Sekiraqën
Human Rights Network dënon sulmin e ministrit Murati ndaj mediave dhe shoqërisë civile
Vendosja e kamerave të sigurisë në veri, Elshani: Do të krijojmë një klimë të sigurisë më të madhe te qytetarët
Hapet dyqani i parë social në Prishtinë, Rama: Qytetarët në nevojë mund të furnizohen çdo muaj falas me produkte ushqimore e higjienike
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe