Cili mund të jetë produkti i radhës me të cilin Apple mund të bëjë “goditjen e madhe”?

Me tregun e telefonave inteligjentë të ngopur mirë, Apple duhet të shikojë tregje të reja për “gjënë tjetër të madhe”.

Kështu së paku thuhet në një analizë të publikuar në Business Insider, ku përmendet fakti se ndërsa iPod çoi në iPhone, produktet më të fundit të Apple, si Watch ose AirPods, janë “të këndshme” – ato nuk janë diçka e madhe.

Në këtë drejtim, vihet në pah fakti se prej kohësh është përfolur se Apple do të krijojë një makinë të tilla si Tesla.

Ky do të ishte një shembull i një tregu të ri për Apple – por eksperti në fjalë nuk mendon se një makinë Apple do të ndodhë.

Ajo që duket e mundshme është që Apple do të lëshojë syze të realitetit të shtuar/realitetit virtual, që përflitet se do të vijnë në vitin 2023 me një OS të quajtur xrOS.

Po për gjëra të tjera?

Deri më tani, thuhet në analizë, nuk kemi parë asnjë, pavarësisht besimit të patundur të Mark Zuckerberg se Metaverse është e ardhmja e jetës sonë shoqërore dhe takimeve të punës dhe çfarë tjetër.

Apo ndoshta, Apple – e cila zakonisht nuk është e para në treg – mund të hyjë në këtë “territor” dhe të ketë sukses aty ku askush nuk e ka pasur më parë. /Telegrafi/