Linjat horizontale në modelin iPhone 14 Pro Max thuhet të jenë problem softuerik

Nëse keni parë në iPhone-in tuaj 14 vija horizontale në të gjithë ekranin pasi filloni ta hapni pas një kohe ose kur e ndizni, Apple thotë se mund të qëndroni të qetë: nuk është çështje harduerike.

Defekti – që më shumti duket se prek iPhone 14 Pro Max – është me sa duket një problem softueri, kështu që është vetëm një çështje pritjeje për një përditësim të iOS për ta rregulluar atë, transmeton Telegrafi.

Linjat horizontale të iPhone 14

Një numër i konsiderueshëm njerëzish po e raportojnë këtë çështje në Reddit dhe gjetkë. Numri dhe ngjyrat e vijave horizontale duket se ndryshojnë.

“Sapo e bleva modelin iPhone 14 Pro Max të premten e kaluar (12/9/22). Vura re se kur telefoni zgjohet, linjat horizontale shfaqen në ekran. E bën këtë rastësisht, jo çdo herë që telefoni zgjohet. Ndonjëherë është vetëm 1 rresht, ndonjëherë është shumëfish”, tha një përdorues.

“E kam të njëjtin problem. Por vura re se ndodh më shpesh kur shikoni video përpara se ekrani juaj të fiket. Po kur e zgjoni më vonë, ajo bën vija jeshile”, shkroi një tjetër.

“Unë kam një problem të ngjashëm në iPhone 14 pro max tim të ri. E mora këtë mëngjes”, u shpreh një tjetër person.

Apple thotë se nuk është një problemi harduerik

Si një përdorues ashtu edhe disa të tjerë në postimin e Reddit kanë çuar telefonat e tyre në një Apple Store për të trajtuar problemin dhe secilit iu është thënë se nuk ka asnjë defekt harduerik. Në vend të kësaj, thotë Apple, është një defekt i iOS.

“E çova në Apple, dhe ata e kontrolluan dhe gjithçka u kthye mirë (jeshile). Tekniku më tha se nuk ka ndonjë problem me harduerin, se duhet të ketë të bëjë me softuerin”.

“Apple support përmes DM-it më kërkuan të kryejnë teste duke marrë numrin serial [për të ekzekutuar testet në distancë] dhe konfirmuan se nuk është një problem harduerik”, u shpreh një përdorues.

“Anëtari i Apple Support tha: “Ne jemi të vetëdijshëm për problemin dhe kjo është për shkak të drejtuesve […] Është padyshim një problem softueri dhe një përditësim pritet të vijë së shpejti”./Telegrafi/