Arrestohet personi i cili dëmtoi shtyllat antiparking në Prishtinë, për ta parkuar autobusin

Policia e Kosovës ka njoftuar se ka arrestuar një person në Prishtinë. Sipas policisë i njëjti gjatë ditës në diele në lagjen Lakrishte ka dëmtuar shtyllat antiparking që ndodhën në trotuarë për ta parkuar autobusin.

Pas identifikimit të personit policia njofton se i dyshuari është shoqëruar në stacionin policorë.

“Shoqërohet në stacion policor i dyshuari për asgjësim apo dëmtim i pasurisë. Sot në stacionin policor jugu në Prishtinë, është raportuar rasti i cili ka ndodhur në lagjen Lakrishte në Prishtinë, ku një person ka dëmtuar shtyllat antiparking dhe më pas ka parkuar një autobus.  Menjëherë zyrtarët e stacionit policor jugu, kanë identifikiar dhe shoqëruar në stacion policor personin e dyshuar”, ka njoftuar policia.

Në njoftimin e policisë tutje thuhet se ndaj tij dhe ndaj inspektorëve të komunës është shqiptuar gjobë.

“I dyshuari pas intervistimit, me rekomandim të prokurorit të shtetit është liruar në procedurë të rregullt.  Ndaj tij është shqiptuar gjobë prej inspektorëve të komunës si dhe në polici është inicuar rast për veprën, Asgjësim apo Dëmtim i Pasurisë”./Telegrafi/