Twitter ‘bllokon’ disa gazetarë të shquar – BE paralajmëron sanksione

Vendimi i Elon Musk për të ‘bllokuar’ papritur disa gazetarë të shquar në Twitter ka nxitur një reagim të ashpër në Evropë.

Gjermania paralajmëroi për ndikimin në lirinë e shtypit, ndërsa një zyrtar i lartë i BE-së tha se Twitter duhet të jetë në përputhje me rregullat e bllokut ose të përballet me sanksione të mundshme.

“Liria e shtypit nuk mund të ‘ndizet dhe fiket’ kur të doni ju”, ka shkruar në Twitter, ministria e Jashtme e Gjermanisë, duke shtuar: “Nga sot këta gazetarë nuk janë më në gjendje të na ndjekin, të komentojnë apo kritikojnë. Neve na shqetëson kjo”, raporton CNN, transmeton Telegrafi.

#Pressefreiheit darf nicht nach Belieben ein- und ausgeschaltet werden. Unten stehende Journalisten können auch uns ab heute nicht mehr folgen, kommentieren und kritisieren. Damit haben wir ein Problem @Twitter. pic.twitter.com/Cliuih8Gyq

— Auswärtiges Amt (@AuswaertigesAmt) December 16, 2022

Věra Jourová, zëvendës presidente e Komisionit Evropian për vlera dhe transparencë, tha se “pezullimi arbitrar” i gazetarëve ishte “shqetësues” dhe ajo tregoi se kompania mund të përballet me ndëshkime si rezultat i kësaj.

“Akti i Shërbimeve Dixhitale të BE-së kërkon respektimin e lirisë së medias dhe të drejtave themelore. Kjo është përforcuar sipas aktit tonë #MediaFreedom”, shkroi Jourová në një postim në Twitter, duke shtuar se Musk “duhet të jetë i vetëdijshëm për këtë”.

News about arbitrary suspension of journalists on Twitter is worrying. EU’s Digital Services Act requires respect of media freedom and fundamental rights. This is reinforced under our #MediaFreedomAct. @elonmusk should be aware of that. There are red lines. And sanctions, soon.

— Věra Jourová (@VeraJourova) December 16, 2022

“Këtu ka vija të kuqe”, vazhdoi ajo. “Dhe do të ketë sanksione, së shpejti”.

Të enjten në mbrëmje, Twitter ndaloi llogaritë e disa gazetarëve të profilit të lartë nga organizatat kryesore të lajmeve pa shpjegime, duke përfshirë Donie O’Sullivan të CNN, Ryan Mac të The New York Times dhe Drew Harwell të The Washington Post.

As Musk e as Twitter nuk u përgjigjën ndaj një kërkese për koment të enjten mbrëma, kërkesë kjo e bërë nga CNN, dhe platforma nuk shpjegoi saktë se cila ishte arsyeja se pse u mbyllen llogaritë e gazetarëve. /Telegrafi/