Agresioni rus në Ukrainë ka tronditur arkitekturën e sigurisë në kontinent, sipas kryeministrit të Shqipërisë, Edi Rama, i cili ka bindjen se pasojat e kësaj lufte, si kriza energjetike apo inflacioni, kanë prekur të gjithë botën.
Për të reaguar ndaj kësaj situate të re, nga Stambolli ai u bëri thirrje liderëve evropianë dhe miqve amerikanë që të ndryshojnë qëndrimin ndaj Turqisë dhe ta shohin si një faktor kyç për sigurinë e Evropës.
Pas u prit në një takim zyrtar nga Presidenti i Turqisë Recep Tayyip Erdogan, Rama foli ne Forumin Botëror të transmetuesit kombëtar turk TRT.
“Në Evropë njerëzit nuk janë të lumtur, ndërsa në Turqi janë shumë të lumtur. Kjo është normale, e vërtetë, sepse Turqia është çelësi i stabilitetit për Evropën. Për t’u përfshirë apo për të bashkëpunuar me Turqinë në një mënyrë më produktive, BE duhet të ndryshojë vendimin për të menduar për fqinjët dhe bashkëpunëtorët vetëm në kuadër të zgjerimit, sepse ne jemi dëshmitarë të rezultatit që BE është në limitet e pavarësisë strategjike”, tha Rama.
Kritikat e Ramës ndaj Evropës shkuan më tej, duke vënë gishtin në plagën e marrëdhënieve me Moskën dhe Ankaranë.
“E vërteta është se sistemi ndërkombëtar evropian ka dështuar për të përfshirë dy faktorë të rëndësishëm, nga njëra anë Turqinë, nga ana tjetër Rusinë. Në këtë kuptim, dua të them që krijimi i Komunitetit Politik Evropian është i mirëpritur. Pasi nëpërmjet kësaj platforme, ne mund të nisim për të menduar qasjen e Rusisë, pasi lufta në Ukrainë të përfundojë”, tha kryeministri shqiptar.
Rruga evropiane dhe ajo euro-atlantike e Shqipërisë, sipas kryeministrit, nuk mund ta detyrojë shtetin që ai drejton të heqë dorë nga bashkëpunimi i ngushtë me Turqinë.
“Është e rëndësishme gjithashtu që të thuhet qartë dhe me zë të lartë miqve tanë evropianë dhe amerikanë që në juglindje të Evropës dhe Ballkanit Perëndimor, Turqia nuk është një fuqi e tretë. Turqia është një fuqi dhe përsa i përket rajonit tonë është një fuqi vendimtare. Prandaj, është e rëndësishme që ne të kemi me Turqinë partneritet strategjik në diplomaci, politikë dhe ekonomi”, thotë Rama.
Përballë Presidentit Erdogan, Rama nuk la pa kujtuar edhe rolin e Turqisë në modernizimin e shtetit shqiptar, sidomos në aspektin ushtarak, për t’i ngritur Forcat e Armatosura të Shqipërisë në standardet e NATO-s. /Telegrafi/
Lufta Prigozhin - Putin
Më shumëPahor po përgatit një draft për dialogun Kosovë-Serbi, fillimisht dëshiron të koordinohet me Borrellin dhe vendet e QUINT-it
“Kursi më i vështirë i ushtrisë, stërviten deri në rraskapitje”, oficeri i FSK-së përfundon me sukses trajnimin Ranger në ShBA
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Mbi 1600 persona të zhdukur nga lufta, Rohde thotë se në tri vitet e fundit nuk është bërë asnjë progres si shkak i bllokadës politike
Sa realist është anëtarësimi i Kosovës në KiE?
Masakra në Mejë “Srebrenica e Kosovës” - thirrja më e fuqishme e Kosovës për drejtësi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë