Luis Enrique donte të qëndronte te Spanja, dalin detajet e largimit

Spanja nuk priti shumë përpara se të largonte Luis Enriquen pas eliminimit nga Kupa e Botës “Katar 2022”. Një ditë pasi La Roja u rikthye në Madrid, koha e Enriques si trajner i Spanjës përfundoi dhe në vend të tij u promovua trajneri eipit U-21, Luis de la Fuente .

Sipas Cadena SER, Enrique donte të vazhdonte në pozicionin e tij si trajner i kombëtares. Ai kishte pohuar se do të merrte një vendim me RFEF pas Kupës së Botës, por në fund nuk pati asnjë komunikim.

Pas eliminimit të tyre, Presidenti Luis Rubiales dhe Drejtori Sportiv Jose Francisco Molina kishin premtuar se do të takoheshin me Enriquen për të diskutuar të ardhmen e tij, por një takim i tillë nuk ndodhi.

Federata Spanjolle e Futbollit (RFEF) njoftoi Enriquen për vendimin e tyre dhe më pas ofroi të jepte një deklaratë të përbashkët, diçka që menaxheri asturian e refuzoi. Enrique priste të merrte një ofertë rinovimi nga drejtuesit.

Sugjerimi nga shumë ka qenë se Rubiales u prek nga presioni i mediave që kërkonin shkarkimin e Enriques.

Pavarësisht nëse ka ndonjë të vërtetë në këtë apo jo, vendimi është marrë me nxitim të konsiderueshëm dhe pak konsideratë nga ana e tyre.

Nëse vendimi është i saktë apo jo, vetëm koha do ta tregojë. Nëse gjërat shkojnë keq nën de la Fuente, gishti i fajit do të lëvizë shpejt drejt Rubiales. /Telegrafi/