Mariçiq: Anëtarësimi në BE deri në vitin 2030 është i mundur vetëm me vullnet politik

Zëvendëskryeministri për Çështje Evropiane, Bojan Mariçiq, ka theksuar sot se anëtarësimi në BE do të arrihet më shpejt vetëm nëse shprehet qartë vullneti politik për reforma të forta pa improvizime nga ana e vendeve të Ballkanit Perëndimor, por edhe një vullnet të qartë politik nga ana e shteteve anëtare të Unionit.

“Vetëm nëse ka një shprehje të qartë të vullnetit politik për reforma të forta nga ana e vendeve të Ballkanit Perëndimor dhe të gjitha qeverive, dhe atë pa improvizim, dhe nga ana tjetër, që të ketë efekt dhe që ato reforma të me të vërtetë kanë peshë politike, duhet të ketë një vullnet të qartë politik nga ana e vendeve anëtare të BE-së, po ashtu sinqerisht dhe pa improvizime, për të arritur pikën e anëtarësimit sa më shpejt të jetë e mundur, tha Mariçiq në konferencën me temë “Bashkëpunimi i intensifikuar: procesi i rinovuar i Berlinit dhe e ardhmja e bashkëpunimit rajonal në Evropën Juglindore organizuar nga Fondacioni Friedrih Ebert.

Sipas Mariçiqit, është thelbësore që vullneti politik i Bashkimit Evropian për një qasje më dinamike ndaj Ballkanit Perëndimor të reflektohet edhe në hapa konkretë.

“Vullneti politik për zgjerim nga ana e BE-së dhe vullneti politik për reforma nga ana e vendeve të Ballkanit Perëndimor – kjo është mënyra e vetme për të rikthyer besimin e qytetarëve se ky është një qëllim realisht i arritshëm”, theksoi Mariçiq.

Zëvendëskryeministri beson se fillimi i anëtarësimit në vitin 2030 është realisht i realizueshëm, por, siç thotë ai, nuk është i realizueshëm nëse nuk ka vullnet politik nga të dyja palët.

Ai shtoi se ajo që lufta në Ukrainë i imponoi nivelit të BE-së është sërish mendimi gjeostrategjik, pra perceptimi i Unionit si një projekt paqësor dhe politik.