Putini po humb mbështetjen nga rusët për vazhdimin e konfliktit në Ukrainë

Sondazhi i brendshëm nga Kremlini ka treguar një kolaps dramatik të mbështetjes publike mes rusëve për luftën në Ukrainë, raporton grupi i pavarur hetimor Meduza.

Sipas shifrave të grupit hetimor, vetëm 25 për qind e publikut janë ende në favor të vazhdimit të konfliktit – më pak se gjysma e 57 për qind që kishin deklaruar të njëjtën gjë në korrik.

Në të njëjtën periudhë, raporton faqja e internetit me bazë në Letoni, numri i atyre që mbështesin bisedimet e paqes është rritur në 55 për qind nga 32 për qind, transmeton Telegrafi.

Hulumtimi vazhdon të citojë ekspertë të cilët tregojnë ndikimin e dekretit të mobilizimit të presidentit Vladimir Putin në shtator, ku shumë njerëz u rekrutuan me forcë për të luftuar në Ukrainë.

Sociologu Grigory Yudin i tha grupit se rusët që përballen me “shkatërrimin e jetës së tyre të përditshme dhe ndjenjën e rrezikut” do të rriste perspektivat e demonstratave më të mëdha.

“Protestat nuk ndodhin thjesht sepse njerëzit mendojnë diçka, por sepse diçka e bën të mundur protestën”, tha ai.

“Potenciali protestues i Rusisë është shumë i lartë. Kur të paraqiten mundësitë, do të ketë protesta. Me shumë mundësi, nuk do të duhet të presim kaq gjatë”.

Ndërsa supozohet gjerësisht se kontrolli i Putinit në shërbimet e tij të sigurisë nënkupton që protestat mund të shtypen, perspektiva në rritje e tyre përshkallëzuese përfaqëson një goditje për liderin dhe potencialisht një kërcënim në rritje për pushtetin e tij. /Telegrafi/