Steinmeier para ardhjes në Shkup: Maqedonia e Veriut ka bërë një hap vendimtar përpara

Para vizitës në Maqedoninë e Veriut dhe Shqipërinë, presidenti gjerman Frank-Walter Steinmeier në një intervistë për “DW” foli për Ballkanin Perëndimor dhe procesin e integrimit evropian, përcjell Telegrafi Maqedoni.

“Nuk e di nëse do ta shpejtonin, por shkuarja ime atje ka gjithashtu kuptimin e sinjalizimit se Ballkani Perëndimor nuk është aspak i harruar. Edhe unë e kuptoj njëfarë padurimi, por si shumë të tjerë, do të konfirmoj se Ballkani Perëndimor nuk është aspak i harruar. Udhëtimi në dy vendet, Maqedoninë e Veriut dhe Shqipërinë, shërben gjithashtu si një mesazh për të gjithë rajonin.

Nëse arrihet përparimi i duhur në vendet, atëherë rruga drejt anëtarësimit në Bashkimin Evropian do të bëhet më e qartë”, tha Steinmer.

I pyetur nëse është realiste që viti 2030 të jetë viti i hyrjes në BE të disa prej vendeve të Ballkanit Perëndimor, presidenti gjerman sqaroi se ai është “president, jo profet” dhe theksoi se kjo varet nga gatishmëria e brendshme për reforma dhe gatishmëria për zbatimin e reformave.

“Edhe sot mund të debatojmë ndryshe në vendet e Ballkanit Perëndimor, sepse, për shembull, Maqedonia e Veriut dhe Shqipëria kanë bërë hapa vendimtarë përpara. Ai forcon vetëbesimin në ato vende dhe u bën të ditur të tjerëve në rajonin e Ballkanit Perëndimor se ky hap po jep rezultat”, tha ndër të tjera në intervistë Steinmeier.

Ai përshëndeti edhe solidaritetin që Maqedonia e Veriut dhe Shqipëria treguan ndaj Ukrainës gjatë agresionit rus./Telegrafi/