Gazetari i gazetës gjermane “Frankfurter Allgemeine Zeitung” Michael Martens ka zbuluar disa pjesë të intervistës me Kryeministrin e Kosovës, Albin Kurti. Ai thekson se Kurti ka thënë se kishte rënë dakord për një kompromis mbi çështjen e targave ngase i njëjti, ishte paralajmëruar nga ambasadori amerikan në Prishtinë lidhur me situatën në Veri të Mitrovicës. Në Kosovë kjo deklaratë po interpretohet në forma të ndryshme
Kryeministri i Kosovës, Albin Kurtin ka vendosur që jashtë kufijve të Kosovës të tregojë prapaskenat e krizës së targave e cila rrezikoi sigurinë e vendit së fundmi.
Kreu i Ekzekutivit ka dhënë një intervistë për gazetën gjermane “Frankfurter Allgemeine Zeitung”, kurse detaje rreth deklaratave kryesore të Kurtit ka zbuluar gazetari Michael Martens.
Kurti, sipas gazetarit gjerman, ishte dakorduar për krizën e targave pasi ishte paralajmëruar nga ambasadori i SHBA-së se situata në veri të Kosovës “mund të përkeqësohet rëndë dhe në mënyrë të pakthyeshme”.
“Ambasadori amerikan ‘kishte më shumë informacion se unë’ për situatën në veri”, theksoi Kurti, duke përmendur “shqetësimet e sigurisë” pa hyrë në detaje”, ka shkruar gazetari Martens në Twitter.
Këtë deklaratë të Kurtit po e vlerëson interesante eksperti i sigurisë Avni Islami.
Ai thotë se institucionet e sigurisë kanë kuptuar gjendjen, megjithëkëtë shton se ambasada amerikane mund të ketë pasur informacione shtesë.
“Përkundër kësaj të zoti Kurti, të gjithë e kemi ditë se gjendja e sigurisë në veri të Kosovës ishte një gjendje jo e mirë dhe jo stabile. Nuk është se institucionet e sigurisë së Kosovës dhe kryeministri i Kosovës nuk kanë pasur informacione të mjaftueshme, mirëpo marrëveshjes 48 orësh i dedikohet ambasadorit amerikan dhe mirë është që është bë ajo marrëveshje”, ka thënë Avni Islami, njohës i sigurisë.
Por krejt ndryshe këtë deklaratë të Kurtit e vlerëson ish-ministrja e jashtme, Meliza Haradinaj.
“Kjo deklaratë nëse nuk është nxjerrë nga konteksti nga gazetari (si jo rrallë në të kaluarën) është skandaloze pwr t’u thënë për një medium ndërkombëtar”, ka thënë Hardinaj.
Nga ana tjetër, Zgjim Hyseni, nga Partia Social Demokrate thotë se Kurti po i ndryshon deklaratat pasi në Kuvend ka thënë krejt diçka tjetër.
Sipas, tij nëse me çështje sigurie po e arsyeton shtyrjen e vendimit, Kurti siç thotë Hyseni, të njëjtën do ta bëjë edhe për themelimin e Asociacionit.
“As 24 orë nuk rri një deklaratë e kryeministrit që me ardh tjetra që e demanton atë të mëparshmen, kjo tregon për një papërgjegjësi e cila kur e dimë që të vjen prej dikujt që udhëheq me vendin situatën e bën tragjike.
Kryeministri në Kuvend iu tha deputetëve se pse marrëveshja është pranuar të enjten, është se na arritëm aty me pru ma shumë substancë, pra me imponu planin franko-gjerman”, ka thënë Zgjim Hyseni, nga PSD-ja.
Marrëveshja për targa mes Kosovës dhe Serbisë është arritur të mërkurën, e cila parasheh që Serbia të ndalojë lëshimin e targave ilegale kurse Kosova të ndërpresë veprimet e mëtejshme në lidhje me riregjistrimin e automjeteve. /Dukagjini/
Promo
Reklamo këtuLufta Prigozhin - Putin
Më shumëGjeti trupin e 9-vjeçares në Bunë, peshkatari: Pashë me dritë telefoni, dukej si kukull
DW: Sinjale alarmi nga Ballkani - po përsëritet historia?
Policja që u raportua e zhdukur paraqitet në stacionin e Rahovecit
Pahor paraqet interes për të drejtuar dialogun Kosovë-Serbi, a do të zgjidhet ai si zëvendësuesi i Lajçakut?
Pahor: Kandidatura ime do të paraqitet në Bruksel, do të jem ndërmjetës i ndershëm në dialogun Kosovë-Serbi
Deputeti finlandez: Serbia nuk mund t'u imponohet shteteve për të kundërshtuar Kosovën në KiE
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'