Një pikë karburanti sërish dhuroi falas benzinë në SHBA

Së pari kishte “Ditën e Karburanteve të Prillit” gjersa ditën e sotme e shpalli si “Tanksgiving – Dita e dhënies së karburanteve”.

Bëhet fjalë për Ernie Boch Jr., një biznesmen vendas, i cili shpërndau 26 mijë litra benzinë më 1 prill.

Fushata për shpërndarjen e benzinës falas shkoi mirë me një kolonë qindra metra të gjatë dhe e gjithë karburanti i planifikuar u shpërnda në vetëm dy orë.

Tani ai organizoi një Tanksgiving dhe vendosi të dhurojë benzinë me vlerë 50 mijë dollarë. Dhe përsëri, Boch krijoi një interes të paparë, madje pati informacione se do të shpërndaheshin 50 mijë litra karburant, që sipas çmimeve aktuale të karburantit kap vlerën e gati 190 mijë dollarëve.

#Tanksgiving !
Free gas while it lasts at Rojos on Route 1 in Norwood MA … pic.twitter.com/428085TADU

— Ernie Boch Jr. (@ErnieBochJr) November 23, 2022

Përkatësisht, çmimi i benzinës në Amerikë është mesatarisht 3,79 dollarë për gallon.

Kësaj radhe punonjësit e pikës së karburantit morën një udhëzim që nuk mund të derdhej më shumë se 75 dollarë karburant për veturë dhe gjithçka që sa më shumë njerëz të mund të merrnin karburant falas.

Boch theksoi se kjo është e mjaftueshme për një rezervuar të plotë. Këtë herë ai vendosi të jepte dy herë më shumë benzinë se sa më 1 prill.

Shumë amerikanë janë mirënjohës ndaj tij, madje edhe pronarët e automjeteve elektrike e kanë lavdëruar atë. /Telegrafi/