Rusia thotë se nuk ka plane për mobilizim të mëtejshëm për luftën në Ukrainë

Rusia ka pohuar këtë mëngjes se nuk ka në plan të thërrasë ushtarë të tjerë rusë për të luftuar në Ukrainë përmes një raundi të dytë mobilizimi.

Vladimir Putin urdhëroi një mobilizim “të pjesshëm” të rezervistëve rusë në fillim të këtij viti, por pretendoi se thirrja e 300,000 ushtarëve u përfundua në fund të tetorit.

Pavarësisht kësaj, disa në Perëndim e kanë akuzuar Moskën për mobilizim “të fshehtë”, me raporte për të burgosur rusë që janë detyruar të luftojnë në Ukrainë.

Ndërsa i pyetur për potencialin për një raund të ri mobilizimi, zëdhënësi i Kremlinit Dmitry Peskov tha: “Unë nuk mund të flas në emër të ministrisë së mbrojtjes, por nuk ka diskutime në Kremlin për këtë”.

Ndërkohë, Kremlini tha se ishte “i shqetësuar” nga bombardimet e reja të centralit bërthamor Zaporizhzhia të kontrolluar nga Rusia këtë fundjavë.

Moska “u bëri thirrje fuqive ndërkombëtare që të përdorin ndikimin e tyre për të ndihmuar në përfundimin e sulmeve”, për të cilat Ukraina dhe Rusia vazhdojnë të fajësojnë njëra-tjetrën. /Telegrafi/