Infeksioni i veshëve, i fytit, ethet, alergjitë, dhembja e stomakut apo gripi, janë vetëm disa prej sëmundjeve që mjekët familjarë në Maqedoni të Veriut mund t’i diagnostikojnë në distancë, përmes pajisjeve të specializuara digjitale.
Një sistem i tillë është mundësuar pasi disa ambulanca të shëndetësisë në këtë shtet kanë nisur të zbatojnë pilot-projektin, përmes së cilit mjekët, me ndihmën e aparatit të specializuar, kanë mundësi që nga distanca t’i kontrollojnë, diagnostikojnë dhe përshkruajnë ilaçet për pacientët e tyre.
Ministria e Shëndetësisë ka thënë për Radion Evropa e Lirë se tashmë janë trajnuar 30 mjekë familjarë dhe pediatër për të përdorur këtë lloj të aparatit.
Njëri prej tyre është Liridon Disha nga Tetova.
Ai tregon se një pajisje e tillë u jepet kryesisht pacientëve që kanë nevojë për kontrolle të vazhdueshme.
“Aparati në fjalë ka disa funksione. Mat temperaturën trupore të fëmijës ose të të rriturit, mat frekuencën e zemrës, dhe përmes një pjese që integrohet në këtë aparat mund të dëgjohen edhe mushkëritë, gjegjësisht frymëmarrja e pacientit”.
Ai ka treguar për Radion Evropa e Lirë se një pjesë shtesë që integrohet në aparat mundëson të bëhet dhe kontrolli i veshit dhe fytit.
“Ky aparat punon në atë mënyrë që brenda vetes ka një program të integruar dhe një program tjetër plotësues, i cili instalohet në telefon ose kompjuter dhe përmes tij, pacienti lidhet me mjekun familjar për të këmbyer të dhënat”, ka thënë Disha.
Disha ka përmendur edhe raste tjera kur hyn në funksion ky sistem.
“Shembull, nëse neve në ambulancë na paraqitet një pacient me simptoma jo bindëse për t’i përshkruar antibiotikun, ne mund t’ia japim aparatin këtij pacienti apo familjarëve, për t’i bërë bërë ekzaminimet nga shtëpia dhe ne mjekët përmes aplikacionit sugjerojmë trajtimin pa humbur kohë”.
Mjeku Kirill Soleski, specialist i mjekësisë familjare, ka thënë për Radion Evropa e Lirë se ky aparat lehtëson në masë të theksuar trajtimin e pacientëve me sëmundje kronike, pa qenë të detyruar që ata të shkojnë në institucione shëndetësore për kontrolle të shpeshta.
Mjeku Solevski beson se kjo mënyrë e diagnostikimit paraqet një hap shumë të rëndësishëm në drejtim të avancimit të telemjekësisë.
“Këto aparate paraqesin një hap para, pa një hap shumë të rëndësishëm në drejtim të asaj që ne e cilësojmë si telemjekësi, përkatësisht konsultimi i pacientëve me mjekun familjar përmes video-konsultimit në kohë reale. Në këtë mënyrë mund të bëjmë një kontroll të detajuar të pacientit gjatë gjithë kohës, përkatësisht diagnostikimin dhe ndjekjen e procesit të shërimit, veçanërisht për pacientët me sëmundje kronike”.
Soleskin tregon se aparati që janë duke përdorur mjekët në Maqedoni të Veriut prodhohet në Izrael dhe i njëjti është miratuar nga Administrata amerikane për Ushqim dhe Ilaçe.
Sipas tij informacionet që mblidhen nga pacienti mbeten të sigurta, me kusht që aparati të përdoret në mënyrë të drejtë.
“Bëhet fjalë për një kompani izraelite që ka krijuar këtë aparat gjatë izolimit nga pandemia e koronavirusit, dhe i njëjti është treguar i shkëlqyeshëm sa i përket analizimit të gjendjes së pacientëve, të cilët ishin të izoluar për shkak të infeksionit”.
Ky aparat tashmë përdoret në Izrael, Shtetet e Bashkuar, dhe së fundi edhe në Ukrainë, për shkak të luftës që ka shpërthyer në këtë shtet në fund të muajit shkurt.
Promo
Reklamo këtuLufta Prigozhin - Putin
Më shumëNga Rubrika
Ambasada e SHBA-ve në RMV: Nga nesër do të dalin rezultatet e lotarisë për viza emigrimi
Anëtarësimi i Kosovës në KiE-së, Kosova dhe Zvicra mbajnë takimin konsultativ
Gjilan, një person refuzon të ndalet para policisë – polici përmes xhamit ia merr çelësat dhe fikë veturën e tij
“Ushtria digjitale” e Kurtit në front kundër gazetarëve
Ambasadori i Finlandës: Anëtarësimi i Kosovës në NATO do të bëhet realitet
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Paratë, ose do të vras djalin”, polici kërcënon qytetarin se nuk i dha ryshfet
Vranët dhe me riga shiu
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe