Nën kërcënimin e armës vidhen para në një bankë në Mitrovicë, policia në kërkim të autorit

Një person i panjohur nën kërcënimin e armës ka grabitur të premten një institucion mikrofinanciar të premten rreth orës 11:55 në rrugën “Mbretëresha Teutë”, në Mitrovicë.

Sipas një njoftimi të Policisë së Kosovës bëhet e ditur se njësitë e policisë janë aktivizuar menjëherë për kërkimin e personit i cili është përshkruar nga punonjësit e institucionit ku është kryer grabitja.

“Sot, me datë 18.11.2022 në ora 11:55, policia në Mitrovicë ka pranuar informatën se në një institucion mikrofinanciar në rrugën ‘Mbretëresha Teutë’ në Mitrovicë është kryer një grabitje. Njësitë e policisë janë aktivizuar menjëherë për kërkimin e personit i cili është përshkruar nga punonjësit e institucionit ku është kryer grabitja. Sipas informatave, dyshohet se nën kërcënimin e armës personi i dyshuar ka grabitur një shumë të parave nga institucioni në fjalë dhe ka ikur në drejtim të panjohur”, kanë bërë të ditur nga policia.

Ndërkaq, njësitë përkatëse janë duke zhvilluar hetime në drejtim të identifikimit të personit te dyshuar dhe mbledhjen e provave relevante ne lidhje me këtë rast. /Telegrafi/