Deputetja e PDK-së, Ariana Musliu-Shoshi në seancën e sotme të Kuvendit të Kosovës, i ka parashtruar disa pyetje kryeministrit Albin Kurti lidhur me procesin e dialogut, propozimin franko-gjerman dhe Asociacionin.
“I nderuar kryeministër kur do të raportosh në Kuvend për dialogun Kosovë-Serbi? Çka do të ndodh pas datës 21 nëntor, pas të hënës përveç që do të vije e marta çka do të kemi lidhur me vendimin e targave? Kur do të raportoni për planin franko-gjerman? Dhe Cili është qëndrimi i kësaj qeverie për Asociacionin?”, ka pyetur Musliu-Shoshi.
Pyetjeve të deputetes së PDK-së, u është përgjigjur kryeministri Albin Kurti.
Kurti i tha deputetes se pyetjeve të saja u është përgjigjur edhe shkrim, por se po e bënë publike atë që ia ka shkruar.
“Pyetjet tuja i kam pranuar dhe jam përgjigjur me shkrim për shkak se at ditë ndodhej për vizitë presidentja e Komisionit Evropian. Po e them publikisht atë që ta kam shkruar. Dialogu nuk ka qenë asnjëherë më transparent, prej rifillimit të tij ne jemi treguar transparent ndaj qytetarëve kemi treguar gatishmëri për komunikim korrekt me partitë opozitare, si dhe kemi treguar maturi ndaj vet procesit duke mos e dëmtuar atë e as interesat tona “, ka thënë Kurti.
Kryeministri ka shtuar se takimet në nivel të lartë dhe ato të zv.kryeministrit Bislimi kanë qenë publike, dhe pas çdo takimi të nivelit të lartë publiku është informuar për propozimet dhe qëndrimet e tyre.
“Sa i përket qëndrimit tonë për Asociacionin, është i njohur dhe i qartë. Në një çështje që jam përgjigjur panumërta herë nuk kam përgjigje të re sepse pyetja është e vjetër”, tha Kurti.
Pas kësaj ka pasur replikë nga deputetja e PDK-së, Ariana Musliu-Shoshi, duke thënë se transparenca është zero.
“Nuk e di çfarë kupton me transparencë, as Kuvendi e as komisioni nuk e ka asnjë faqe shpjegim nga ana e Qeverisë lidhur me procesin se ku jemi, nuk e kemi as platformën për dialog. Transparenca është zero”, tha Musliu-Shoshi.
Përgjigje ka pasur sërish nga kryeministri Kurti.
“Nuk mendoj që është e drejtë të thuhet se transparenca është zero. Ju pyetni unë përgjigjem. Unë i kam pas në takim tre liderët e partive opozitare ku kemi diskutuar për propozimin franko-gjerman. Në njërën anë i përmbahem transparencës së procesit por edhe konfidencialitetit të bisedimeve. Nëse ju e konsideroni të nevojshme që përtej asaj që ju kanë njoftuar liderët e partive tuaja, atëherë mund të organizojmë seancë të Kuvendit edhe me dyer të hapura ose të mbyllura”, tha Kurti. /Telegrafi/
Promo
Reklamo këtuLufta Prigozhin - Putin
Më shumëMospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
Projekti më i mirë, Piramida e Tiranës fiton çmimin e madh për Evropën Juglindore
Kosova jashtë KiE-së, deputetja finlandeze akuzon BE-në se po tregohet e butë me Serbinë
Flet shqiptari që vrau gruan: Nuk pendohem, hante me paratë e mia dhe më tradhtonte
Kosova jashtë KiE, Mujanoviq: BE po çon ujë në ‘mullirin’ e Vuçiqit
Plagosje me armë zjarri në Nashec të Prizrenit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Meç i madh i boksit mes Tyson Fury dhe Oleksandr Usyk - detajet minutë pas minute
Demografia evropiane - cili shtet ka natalitetin më të lartë dhe ku qëndron Kosova?
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Projekti më i mirë, Piramida e Tiranës fiton çmimin e madh për Evropën Juglindore