Ukraina publikon videon me një mesazh të fuqishëm për rusët: Mendoni se i frikësohemi errësirës dhe të ftohtit?

Ministria ukrainase e Mbrojtjes ka publikuar një video, me të cilën i dërgon një porosi pushtuesve rusë.

Në videon që në prapavijë dëgjohet kënga e rok bendit legjendar Led Zeppelin, ushtrisë ruse i dërgon mesazh me pak fjalë por të formuluara në mënyrë të përkryer, transmeton Telegrafi.

“Keni bombarduar qytetet tona. Keni plaçkitur shtëpitë tona. Keni tentuar të na terrorizoni. Por ne akoma jemi këtu”, ishte porosia nga videoja që u publikuar sot nga Kievi.

“Ju akoma po humbni. Tani dëshironi të na ngrini dhe të na e fikni dritën. Mendoni se vërtetë i frikësohemi të ftohtit apo errësirës? Pas gjithë asaj që jemi dashur të ballafaqohemi me ju”, janë disa prej pyetje retorike të drejtuara rusëve, të cilët në Twitter shtuan një status: “Vetëm humbni nga vendi ynë”.

Kujtojmë që ushtria ukrainase pak minuta më parë publikoi një video tjetër, ku shihen në një qytet tjetër ukrainas që e kanë çliruar dhe që gjendet në jug të vendit.

Ndërkaq mbrëmë, ushtarët rusë janë tërhequr edhe nga Khersoni, që ishte mbajtur nën kontrollin e forcave pushtuese ruse nga fillimi i luftës. /Telegrafi/

Just get the hell out of our land!🎶 Led Zeppelin @ledzeppelin pic.twitter.com/8OAt8HFJfT

— Defense of Ukraine (@DefenceU) November 10, 2022