EULEX-i sjell përforcime në Kosovë pas ngjarjeve të fundit në veri

Shefi i politikës së Jashtme të Bashkimit Evropian, Josep Borrell, ka bërë të ditur se Misioni i BE-së për Sundimin e Ligjit, EULEX, është përforcuar me trupa të reja policore.

Borrell ka njoftuar se karabinierët italianë kanë arritur në Kosovë për të përforcuar përkohësisht njësitin policor të EULEX-it.

“Në këto kohë të tensionuara, Misioni i BE-së për Sundim të Ligjit (EULEX) përmbush detyrën për të garantuar stabilitetin: Karabinierët kanë arritur sonte për të përforcuar përkohësisht Njësitin Policor të EULEX-Kosova. EULEX-i do të vazhdojë të përkrahë një ambient të sigurt”, ka shkruar Borrell në Twitter.

Kjo nuk është hera e parë që EULEX-i sjell përforcime në Kosovë, pasi një gjë e tillë kishte ndodhur edhe në mars të këtij viti.

Edhe Sekretari i Përgjithshëm i NATO-s ka bërë të ditur se KFOR-i është duke vëzhguar nga afër situatën e sigurisë në veri të Kosovës./Telegrafi/

At these tense times in Kosovo, EU’s Rule of Law Mission #EULEX fulfils its duty to ensure stability: @Eurogendfor gendarmes from @_Carabinieri_ landed tonight to temporarily reinforce @EULEXKosovo's Formed Police Unit. EULEX will continue supporting a safe and secure environment pic.twitter.com/Suuo78fJRC

— Josep Borrell Fontelles (@JosepBorrellF) November 8, 2022