Skenaristi rus: Në luftën e Ukrainës, Moska duhet të dërgojë të rinjtë – të vjetrit janë të sëmurë nga konsumimi i vazhdueshëm i alkoolit

Rusi Dmitry Puchkov në një intervistë dhënë për Komsomolskaya Pravda, ka deklaruar se të rinjtë duhet të dërgohen në vijën e parë të frontit në Ukrainë, pasi burrat mbi 40-vjeç janë të sëmurë për shkak të konsumimit të vazhdueshëm të alkoolit, shkruan Neësëeek.

Gjatë bisedës me Ivan Pankin, prezantuesin e Komsomolskaya Pravda, Puchkov tha se përbërja e ushtrisë ruse do të duhej të rishikohet, transmeton Telegrafi.

Puchkov beson se të rinjtë duhet të trajnohen për luftë, sepse atëherë qeveria ruse nuk do të ketë nevojë të paguajë kompensim për kaq shumë vejusha.

Puchkov, i njohur gjithashtu si Goblin, është një përkthyes i filmave dhe videolojërave nga anglishtja në rusisht, autor dhe skenarist.

Meanwhile in Russia: a pundit argues that younger men should be trained and sent into combat, so there are no widows or children to pay when they get killed. Another argument is that Russians over 40 are too worn out by alcohol consumption to run, jump or be any good in combat. pic.twitter.com/mlJWgSCNuR

— Julia Davis (@JuliaDavisNews) November 5, 2022

“Në vend të 40-vjeçarëve me arsim të lartë, me punë, gra dhe tre fëmijë, të dërgohen në luftë 18-vjeçarët e stërvitur, për këtë arsye shteti nuk do të ketë nevojë të paguajë dëmshpërblim për të vejat dhe fëmijët. Sado cinike të tingëllojë kjo, 18-vjeçarët duhet të shkojnë në luftë”, shtoi ai.

A kanë qytetarët e Rusisë ndonjë ide për gjendjen fizike të rusëve të moshës 40 apo 50 vjeç? A mund të vrapojë, të kërcejë, të flejë në tokë të ftohtë? Si është prostata e tyre? Si janë veshkat e tyre pas konsumimit të vazhdueshëm të alkoolit? Të rinjtë do të duhej të shkonin për të shërbyer në ushtri, ata do të shërbejnë për dy vjet dhe do të marrin pjesë në beteja. Kjo është mënyra e vetme”, tha Puchkov në emision.

Ai nuk specifikoi se si planifikon që 18-vjeçarët të kenë dy deri në tre vjet stërvitje ushtarake. Zyrtarët ukrainas kanë vlerësuar se 70.250 ushtarë rusë janë vrarë që nga fillimi i luftës më 24 shkurt. /Telegrafi/