Ministri i Punëve të Brendshme, Xhelal Sveçla ka deklaruar se në veri ka indikacione për elemente ruse, me qëllim të trazirave dhe eskalim të situatës.
Për zëvendësimin e pozitave të policëve të dorëhequr, ai ka theksuar se do të plotësohen të gjitha nevojat dhe shpejt do të shpallen edhe konkurset për zyrtarë policor shtesë.
Në konferencë për media, ministri Sveçla deklaroi se situata e sigurisë është e qetë dhe se të gjitha institucionet e sigurisë janë duke punuar në kapacitetet e nevojshme.
Ai nuk ka mohuar se ka pjesëtarë rusë të përfshirë në atë çfarë po ndodh në veri.
“Ne po përcjellim situatën.Jemi jashtëzakonisht aktivë në mbledhjen e të gjitha informatave edhe të kësaj natyre. Ka edhe deklarime dhe indikacione se mund të ketë elemente të Rusisë, të cilat janë të interesuara të shkaktojnë trazira, eskalim të situatës atje. Unë jam i bindur që institucionet e Kosovës në koordinim edhe me partnerët tanë ndërkombëtarë janë të suksesshëm në parandalimin, neutralizimin e çfarëdo ndikimi negativ të kujtdo qoftë në raport me sigurinë atje”, ka deklaruar Sveçla.
Sipas Sveçlës, Policia e Kosovës është e pjekur dhe e aftë që të menaxhojë në situata të ndryshme.
Sa i përket zëvendësimit të pozitave të policëve të dorëhequr, ai u shpreh se kjo do të bëhet bazuar në rregullativën e brendshme të Policisë së Kosovës.
“Për sa policë do të ketë nevojë, kjo është çështje e vlerësimeve operacionale të vet Policisë së Kosovës.Unë mund t’ju them lirisht se kam kërkuar dhe ata janë të angazhuar që të gjitha nevojat të plotësohen, në mënyrë që ne të sigurojmë që do të ofrojmë shërbime për të gjithë qytetarët atje. Se si do të vijojnë më tutje në plotësimin e kapaciteteve të cilat i kemi humbur, është çështje e rregullativës së brendshme të policisë. Unë besoj që ata sa më shpejt që është e mundur do të shpallin konkurset e nevojshme që të kemi pjesëtarë shtesë”, theksoi Sveçla.
Sveçla në konferencën e përbashkët me kryeministrin Albin Kurti, nuk është përgjigjur se a do të veshin policët sërish uniformën e dorëzuar, në rast të ndonjë marrëveshjeje. Ai shtoi se Policia e Kosovës është duke plotësuar detyrat e saj, në koordinim me EULEX-in dhe KFOR-in.
Sveçla ka folur edhe për sulmin në Kishnicë, ku një shtëpi serbe është gjuajtur me koktej molotivi.
“Unë pranoj në vazhdimësi raportime të Policisë së Kosovës mbi gjendjen e sigurisë. Posaçërisht kur ka incidente, të cilat mund të interpretohen si incidente ndëretnike apo incidente ku minoritet e ndryshme atakohen. Patjetër që edhe këtë raportim e kam marrë. Policia e Kosovës është jashtëzakonisht e angazhuar që të zbulojë të gjitha detajet e këtij rasti dhe me të marrë hapat e duhur, patjetër që publiku do të informohet. Është e vërtetë se ka fryrje nga ana e institucioneve të Serbisë lidhur me incidentet, siç i quajnë ata, ndëretnike. Për këtë kemi edhe deklarime edhe të institucioneve ndërkombëtare, por në këtë rast unë asgjë nuk dua të komentoj pa marrë raportet zyrtare të Policisë së Kosovës”, ka thënë ai.
Lufta Prigozhin - Putin
Më shumëKurti në Samitin e Ballkanit Perëndimor: Ndër sfidat kryesore është tejkalimi i paragjykimeve që kanë ndarë rajonin tonë
Televizioni zviceran SRF me kronikë për 25 vjetorin e çlirimit të Kosovës
Anulimi i vizitës së Kouchnerit në Kosovë, Ambasada e Francës shpreh keqardhje për pengesat e paraqitura
Anulohet vizita e Bernard Kouchner në Kosovë
Kurti: Nuk kemi problem me serbët, por me Qeverinë e Serbisë që nuk distancohet nga Millosheviqi i të kaluarës
Hovenier për deklaratën e Serbisë dhe Republikës Srpska: S’është qëndrimi ynë
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Çmenduria që po synon ta bëjë Man City me Fodenin ka "frikësuar" edhe Real Madridin
Po largohet nga Real Madridi "krahu i djathtë" i Ancelottit
Ky është plani i ri i Gjermanisë në rast të një lufte në Evropë – me kërcënimet në rritje nga Rusia
Pique ka publikuar llogarinë bankare për të treguar se si duket paga e një futbollisti të nivelit elitar
Çfarë dihet deri më tani rreth zgjedhjeve për Parlamentin e ri Evropian?
AMP