Arbana Osmani flet për suksesin e Big Brother VIP: Jemi kujdesur për çdo element, të sjellim te shikuesit më të mirën

Ajo është tashmë njëra nga prezantueset shqiptare më të pëlqyera e po ashtu edhe shumë e suksesshme.

Bëhet fjalë për moderatoren më të dashur të ekranit, Arbana Osmani, e cila ndër vite ka qenë e pranishme me programe të ndryshme.

E njëjta më së shumti është bërë e njohur falë formatit Big Brother, e së fundmi edhe atij VIP.

Nëna e tre fëmijëve ka qenë së fundmi e ftuar në “E diell”, ku ka folur për suksesin e madh që e arriti BB VIP.

Osmani theksoi se ka pasur shumë komponentë që kanë ndikuar, e që e kanë bërë për program të jashtëzakonshëm.

“Kur mua më kanë propozuar të realizoja këtë Big Brother si drejtuese e projektit, edhe si autore. Të isha koka e një stafi prej dhjetëra personash ku më thanë do të jetë producente Lori dhe pastaj mësova përfshirjen edhe të Sarës, pranova menjëherë duke e ditur ambicien që Lori ka duke njohur vizionin e saj. Personalisht e kisha një lloj garancie 100 për qind në këtë projekt. Mendoj fakti që jemi bërë bashkë dhe funksionojmë shumë mirë si një skuadër ka funksionuar ky Big Brother”, tha ajo.

“Kanë qenë personazhe ndoshta jo shumë të njohur por plot energji që kanë dhënë shumë nga vetja në këtë format. Ka qenë ndoshta edhe ambicia e të gjithë televizionit për të bërë një produkt të mirë. Ka qenë dëshira për të mos i shfrytëzuar personazhet, por për të nxjerrë më të mirën nga ata duke i ruajtur shumë prej tyre dhe duke u përpjekur që përmes një programi kaq popullor siç është një reality show si Big Brother të transmetojmë mesazhe pozitive edhe t’i ndihmojmë këta artistë këta pjesëmarrës për t’i realizuar ëndrrat e tyre. Në finalen e Big Brother pothuajse të gjithë dolën me diçka nga ai program që iu vleu pastaj në karrierat e tyre. Besoj që kanë qenë shumë komponentë që kanë ndikuar që ky program të kishte sukses”, u shpreh më tej ajo.

Arbana tutje theksoi: “Ne jemi kujdesur për çdo element si produksion dhe për çdo banor të merrte vëmendjen e duhur dhe të sjellim te shikuesit më të mirat e secilit”.

Big Brother VIP theksojmë se do të nisë së shpejti, por akoma nuk ka datë definitive. /Telegrafi/