Rasti në Pejë, tenori Ramë Lahaj: I kërkoj falje në emrin e të gjithë neve si shoqëri për nivelin ku kemi rënë

Ditën e djeshme (e mërkurë) u bë virale një video që ndodhi në një shtëpi private të të moshuarve në Pejë.

Të shumta qenë reagimet në rrjet që dënuan sulmin e ushtruar nga disa infermiere ndaj një të moshuare.

E për këtë ka reaguar edhe tenori shqiptar me famë ndërkombëtare, Ramë Lahaj.

View this post on Instagram

A post shared by ???? (@ramelahaj)

Ai thekson se secili që ka pasur një rast të tillë në familje që kishin nevojë për asistencë, e ndjejnë thellë dhimbjen e përuljen që vajzat i bënë zonjës.

Lexo po ashtu Adriana Matoshi publikon mesazhin fyes që mori nga një person pas reagimit për rastin në Pejë

Lahaj tutje thekson se ky është një shembull se si rinia në ditët e sotme kanë dalë jashtë kontrollit.

Postimi i plotë i Lahajt (pa ndërhyrje):

“Për krejt ne që jemi sfiduar me prind të cilët e kanë pasë nevojën për asistencë dhe kujdes gjatë pleqërisë së tyre, e ndjejmë thellë dhimbjen, fyerjen, përuljen, nënçmimin, e degjenerimin që Aurona Pelaj i bëri zonjës e families së saj, të afërmve e të gjithë ne.

Përdhunimi mbi prindërit, gjyshërit e të parët tanë, është akti më makabër që dikush mund ta bëj duke pas parasysh sfidën jetësore që kanë pas me skamjen, regjimet historike, e po ashtu kontributin që kanë dhënë për kombin.

Ajo që më shqetëson edhe më shumë është se sa me sportivitet e kishte këtë ngjarje i gjithë stafi i asaj shpie e të moshuarve në Pejë.

Njerëz të mirë Aurona është një shembull se sa shumë rinija po na del jashtë kontrollit, si pasojë e humbjes së respektit në familje, ndaj prindërve, gjyshërve, anashkalimi i edukatës në shtëpi, humbja e traditës se shenjët shqipëtare, e respektit ndaj më të moshuarve.

Sonte do lutem për të përdhunuaren, që kjo të mos jetë traumë e pa rikuperuar, njëherë i kërkoj falje në emrin e të gjithë neve si shoqëri për nivelin ku kemi rënë, e Aurones i uroj që prindërit e saj të mos bijnë kurrë në duart e një injoranteje të degjeneruar si vet ajo”. /Telegrafi/