ISW: Rusët po përpiqen të përshtatin retorikën e luftës te krishterët dhe myslimanët

Analistët ushtarakë kanë komentuar faktin se zyrtari i Këshillimit të Sigurimit rus, Alexei Pavlov, ka deklaruar se Moska po përqendrohet në “de-sotonizimin” e Ukrainës.

Instituti amerikan për Studime të Luftës (ISW), ka publikuar raportin më të fundit mbi situatën në Ukrainë, ku thuhet se zyrtarët rusë me deklarata të tilla po përpiqen të përshtatin retorikën e tyre të luftës si ndaj të krishterëve ashtu dhe ndaj myslimanëve, transmeton Telegrafi.

Gjegjësisht, deklaratat për “de-sotonizimin” e Ukrainës, erdhën pas disa raportimeve për luftime mes ushtarëve myslimanë dhe jomuslimanë në radhët e ushtrisë ruse.

ISË njofton se komentet e Pavlovit “që bëjnë thirrje për luftë mbi baza fetare, por jo në mënyrë eksplicite të krishterë” ka të ngjarë të “kapërcejnë ndarjet fetare dhe të vendosin kusht për rekrutimin e vazhdueshëm të pakicave etnike dhe fetare për të luftuar në Ukrainë”.

Kujtojmë që Pavlov, ka pranuar se qëllimi i luftës do të duhej të ishte “de-sotonizimi” i plotë – duke e definuar shoqërinë ukrainase si “fanatikë” që duan të braktisin vlerat ortodokse ruse, myslimane dhe ato të feve tjera. /Telegrafi/