Bellingham vërteton vlerësimin e lartë nga Messi në paraqitjen mbresëlënëse ndaj Stuttgartit

Jude Bellingham ka shijuar një rritje të shpejtë që nga bashkimi me Borussia Dortmund në vitin 2020.

Ylli i Anglisë ishte një nga kandidatët në garë për çmimin prestigjioz “Golden Boy” në festën luksoze në Paris të hënën mbrëma. Por ,për fat të keq, trofeu u fitua nga Gavi i Barcelonës.

Bellingham, megjithatë, mori lëvdata nga Lionel Messi, i cili zgjodhi 19-vjeçarin si zgjedhjen e tij të tretë në vota. Vlerësimi i lartë nga argjentinas, një ish-fitues shtatë herë i Topit të Artë, nuk është diçka e keqe – dhe lojtari e justifikoi verdiktin e argjentinasit me një tjetër shfaqje fantastike për Dortmundin të shtunën pasdite.

Bellingham ishte i rëndësishëm teksa skuadra gjermane fitoi 5-0 kundër Stuttgartit dhe shënoi dy herë.

Bellingham ka rënë në sytë e gjigantëve evropianë, por nuk kishte arritur të shënonte në ligë deri në ndeshjen e së shtunës. Dy golëshi i tij kundër Stuttgartit tani do të thotë se adoleshenti i talentuar ka shënuar tashmë tetë gola në të gjitha garat këtë sezon: dy më shumë se sa që i realizoi gjatë gjithë sezonit 2021/22.

Forma mbresëlënëse e Bellingham, çuditërisht, ka tërhequr vëmendjen e disa prej klubeve më të mëdha evropiane – përfshirë Liverpoolin , të cilët besohet se janë të prirur për të arritur një marrëveshje për shërbimet e mesfushorit verën e ardhshme.

Pas shitjes së Erling Haaland te Manchester City, Dortmundi nuk kishte gjasa të merrte kurrë ndonjë ofertë për Bellingham – megjithëse klubet me siguri do ta vënë në provë këtë qëndrim verën e ardhshme. Pavarësisht spekulimeve të vazhdueshme për të ardhmen e tij, Bellingham ka këmbëngulur në më shumë se një rast se ai nuk po mendon për asgjë tjetër përveç jetës në Borussia Dortmund. /Telegrafi/