Çfarë do të thotë evakuimi i Khersonit?

Guvernatori pro-rus i rajonit jugor të okupuar ukrainas të Khersonit u ka bërë thirrje civilëve që të evakuohen.

Në një video deklaratë, Vladimir Saldo tha se njerëzit në katër qytete në afërsi të lumit Dnipro, duke pasur parasysh rrezikun që granatimet ukrainase mund të dëmtonin një digë aty pranë.

Ndërkohë, komandanti më i ri rus tha se nuk mund të përjashtojë “vendime të vështira” në lidhje me mbrojtjen e qytetit.

Se diçka po ndodh në Ukrainën jugore u konfirmua më herët, kur eksperti ushtarak, profesor Michael Clarke – ish-drejtor i përgjithshëm i Institutit Mbretëror të Shërbimeve të Bashkuara (RUSI) – tha se ndërprerja e lajmeve nga autoritetet nënkuptonte se “diçka e madhe po ndodh”.

Ai tha se “ata e kanë bërë gjithmonë këtë më parë kur ka një shtytje të madhe ofensive. Unë mendoj se në 48-72 orët e ardhshme ata mund të na tregojnë se çfarë po ndodh. Tani me siguri, diçka e madhe po ndodh, mund të dështojë, mund të mos funksionojë, por në të kaluarën ka funksionuar”.

Ndërsa është ende shumë herët për të qenë të sigurt, shenjat po tregojnë gjithnjë e më shumë një tërheqje ruse nga qyteti, raporton skynews.

Kjo do të ishte një fitore e rëndësishme për Ukrainën – Rusia pushtoi qytetin e Khersonit kryesisht pa kundërshtarë në ditët e para të pushtimit, dhe ai mbetet i vetmi qytet i madh ukrainas që forcat e Moskës e kanë kapur të paprekur.

Humbja tani do të ishte humbja e fundit në një seri humbjesh gjithnjë e më poshtëruese për presidentin rus, Vladimir Putin. /Telegrafi/