“Soy Georgina” tashmë në përgatitje të sezonit të dytë

Seriali dokumentar i Georgina Rodriguez “Soy Georgina” ishte aq i suksesshëm sa Netflix nuk ngurroi të niste punën për një sezon të dytë, që për momentin, nuk ka akoma një datë publikimi.

Pritja e mirë e sezonit të parë u bazua në faktin se tregonte aspektin më të afërt të saj, në të cilin Georgina shihej me familjen dhe miqtë e saj.

Në imazhet e para që ka shpërndarë, modelja shfaqet mes kamerave dhe projektorëve e veshur me një fustan elegant me doreza dhe e ulur në një karrige.

Gjatë këtij seti, zeshkania gjithashtu zbuloi se xhirimet e këtij projekti kanë nisur që në shtator.

E famshmja duket se është e emocionuar për projektin e ri, siç e tregon shprehja e saj në foto.

Lexo po ashtu Të gjitha lajmet nga Georgina Rodriguez

Në këtë sezon të dytë, Georgina do të tregojë se si po përballet me aspekte të ndryshme të jetës që kanë shënuar familjen e saj vitin e kaluar, si humbja e njërit prej binjakëve dhe lindja e Bella Esmeralda prillin e kaluar.

Georgina do të kujtojë edhe pasionin e saj për baletin, siç e ka treguar në postimet e fundit, të cilat në më pak se dy orë janë mbushur me komente dhe reagime pozitive që tregojnë entuziazmin për të parë sezonin e ri të serialit.

Pjesa e parë e po ashtu ka thyer rekorde shikueshmërie në Netflix.

Qysh në episodet e para, bukuroshja rrëfeu se si i ka ndryshuar jeta, nga një shitëse butiku në gruan e burrit me më së shumti ndjekës në botë. /Telegrafi/

View this post on Instagram

A post shared by Georgina Rodríguez (@georginagio)