Ish-partnerët e Kim Kardashian, Kanye West dhe Ray J pozojnë bashkë

Ish-partnerët e Kim Kardashian, Kanye West dhe Ray J, pozuan së bashku në tapetin e kuq në shfaqjen e 12 tetorit për dokumentarin e ri të Candace Owens në Nashville, Tennessee.

Dalja vjen mes një sërë polemikash rreth stilistit Yeezy, të cilat përfshijnë bluzat “White Lives Matter” gjatë Javës së Modës në Paris.

Për sa i përket takimit mes Kanye dhe Ray J, ribashkimi i tyre në tapetin e kuq vjen më shumë se pesë muaj pasi të dy ndanë llogari të ndryshme nëse Kanye ishte në gjendje të siguronte pamjet nga kaseta seksuale e Kim dhe Ray që u zbulua në 2007.

Gjatë një episodi të prillit të Hulu’s “The Kardashians”, Kim tha se reperi i “Jesus Walks” (me të cilin ishte martuar gjashtë vjet para ndarjes së tyre në 2021), ishte në gjendje të takohej me Ray J mes pretendimeve se kishte pamje të papublikuara.

“Ai ma ktheu të gjithë kasetën seksuale”, tha Kim gjatë episodit, duke iu referuar Kanye.

“Dhe ai shkoi në shtëpi, dhe mori kompjuterin në të cilin ishte ndezur dhe hard diskun”.

Megjithatë, pasi një video e episodit u shpërnda në rrjetet sociale, Ray J foli për të kundërshtuar atë që u shpalos në reality shoë. “E gjithë kjo është një gënjeshtër”, shkroi Ray, i cili ishte në lidhje me themeluesen e SKIMS për katër vjet deri në vitin 2006.

Kim dhe Kanye nga ana tjetër ndajnë bashkë katër fëmijë: North, West, Chicago dhe Psalm. /Telegrafi/