SpaceX, kompania e Elon Musk thotë se nuk mund të paguajë më për shërbimet kritike të satelitit në Ukrainë, kërkon nga Pentagoni që ta bëjnë këtë
Që prej kur arritën fillimisht në Ukrainë gjatë pranverës, terminalet e internetit të satelitit Starlink të prodhuara nga SpaceX, kompania e Elon Musk, kanë qenë burime vitale të komunikimit për ushtrinë ukrainase, duke i lejuar ata që të luftojnë dhe të qëndrojnë të lidhur në rrjet, edhe pse rrjetet e tyre celulare dhe të internetit ishin shkatërruar në luftën e tyre me Rusinë.
Deri më tash, rreth 20,000 terminale të satelitit Starlink i janë dhuruar Ukrainës, me Musk i cili në Twitter kishte shkruar: “ky operacion i kushtoi SpaceX 81 milionë euro, dhe deri në fund të vitit do ta kalojë shifrën e mbi 100 milionë eurove.
Por duket se këtyre kontributeve të bamirësisë po u vije fundi, pasi që SpaceX paralajmëroi Pentagonin se kompania mund ta ndaloj financimin e shërbimit në Ukrainë nëse ushtria amerikane nuk jep fonde prej dhjetëra miliona eurove në muaj, përcjell Telegrafi.
Dokumentet e marra nga CNN tregojnë se muajin e kaluar SpaceX kishte dërguar një letër në Pentagon ku ata bënin të ditur se më nuk mund të vazhdojnë ta financojnë shërbimin e Starlink siç kanë bërë deri më tani.
Në letër gjithashtu kërkohej që Pentagoni ta marrë përsipër financimin për përdorimin e Starlink nga qeveria dhe ushtria ukrainase, për të cilën SpaceX pretendon se mund të kushtonte më shumë se 120 milionë euro për deri në fund të vitit, dhe mund të kushtojë deri në afro 400 milionë euro për 12 muajt e ardhshëm.
“Ne nuk jemi në gjendje që të vazhdojmë donacionin e terminaleve tona për Ukrainën, ose që të vazhdojmë financimin e terminaleve ekzistuese për një periudhë të pacaktuar kohore”, kishte shkruar drejtori i shitjeve të SpaceX në letrën e dërguar drejt Pentagonit në muajin shtator.
Në mesin e dokumenteve të SpaceX të dërguara tek Pentagoni dhe të para nga CNN është edhe një kërkesë drejtpërdrejtë e paraportuar më parë, që i’u bë Musk nga gjenerali komandues i ushtrisë ukrainase, Gjeneral Valerii Zaluzhniy, kërkesë kjo edhe për afro 8 mijë terminale shtesë të Starlink.
Në një letër tjetër drejtuar Pentagonit, një këshilltar i jashtëm që punon për SpaceX, kishte shkruar: “SpaceX po përballet me disa vendime shumë të vështira. Unë nuk mendoj se ata kanë kapacitet financiar për sigurimin e terminaleve ose shërbimeve shtesë, ashtu siç u kërkua nga Gjeneral Zaluzhniy”.
Dokumentet, për të cilat nuk ishte raportuar më parë, ofrojnë një përmbledhje të rrallë të numrave të brendshëm të SpaceX në Starlink, duke dhënë detaje të pagesave dhe kostove të lidhura me mijëra terminale në Ukrainë. Ato gjithashtu hedhin një dritë të re mbi negociatat e prapaskenave që kanë ofruar miliona euro në pajisje komunikimi dhe shërbime për Ukrainën, e që për Kievin kishin kosto të vogla. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Kurse falas të AI, ato ofrohen nga Harvard, Google – Microsoft e shumë kompania tjera
Përdoruesit e iPhone ankohen se nuk po u aktivizohet alarmi, Apple premton se po punon për rregullimin e problemit
Ndaloni telefonat inteligjentë për fëmijët nën 13 vjeç – televiziorin nën 3 vjeç
Kurse falas të AI, ato ofrohen nga Harvard, Google – Microsoft e shumë kompania tjera
Përdoruesit e iPhone ankohen se nuk po u aktivizohet alarmi, Apple premton se po punon për rregullimin e problemit
Ndaloni telefonat inteligjentë për fëmijët nën 13 vjeç - televiziorin nën 3 vjeç
Elon Musk thotë se “ka një arsye” pse ai zgjodhi datën 8 gusht, si ditën e lansimit të robotaksit Tesla
Haaland u bë një personazh në këtë video loje - ajo u shkarkua mbi dy miliardë herë
Netflix ka përgatitur një tjetër surprizë të ‘pakëndshme’
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit