Kryeministri i Shqipërisë, Edi Rama gjatë fjalës së tij në Asamblenë e Përgjithshme të Këshillit të Evropës, ka folur për Gjykatën Speciale.
Rama ka thënë se pretendimet mbi të cilat po akuzohen ish-krerët e UÇK-së, janë lajmi më i tmerrshëm i rremë.
“Jam këtu sot në 2022 dhe ka një arsye për këtë, jo pse unë dhe ne në Shqipëri e zbuluam sot që ky ishte lajmi më i tmerrshëm i rremë i shpërndarë përmes duarve të nderuara të Këshillit te Evropës, por se pritem me durim derisa pamë akuzën zyrtare. Shpresoj të kuptoni seriozitetin e të gjithë kësaj. Pretendimet të pavërtetuara të ish një prokuroreje e cila ishte në kërkim të shitjeve të mëdha të librit të saj, qoi në një mocion i paraqitur nga një parlamentar i partisë Rusia e Bashkuar që u shndërrua në një raport të Këshillit të Evropës i mbështetur në burime tejet rë dyshimta që më pas u shndërruan një rezolutë të kësaj asambleje që më pas quan në formimin e Dhomave të Specializuara”, tha Rama.
Ai më tej përmendi historikun e raportit për trafikime organesh dhe akuzat ndaj Ushtrisë Çlirimtare të Kosovës, duke përmendur edhe ndërhyrjen e NATO-s në kohën e luftës.
“Komuniteti ndërkombëtar mori përgjegjësi dhe erdhi në ndihmë, ndërhyrja e parë e plotë e NATO-s njohu luftën e UÇK-së që solli pavarësinë pak vite më pas. Lufta është punë e shëmtuar është në natyrën e saj që dikush të preseupozojë që të dyja palët kanë shkaktuar dëme. Por lufta në Kosovë nuk ishte e zakonshme ishte shfaqja e përgjakshme. Ishte një tubim i ndërgjegjes së perëndimit demokratik, ishte thirrje e dëshpëruar nga zemra e Evropës, dhe Bashkësia ndërkombëtare gjeti ndërgjegjen e Evropa gjeti busullën e saj morale dhe jo shumë pas kjo busullë humbi pikërisht në këtë ndërtesë”, theksoi kryeministri Rama.
Kryeministri i Shqipërisë shtoi se të njëjtat institucione që sollën fundin e luftës në Jugosllavi dhe i dhanë Kosovës të drejtën e lirisë e paqes, minuan vetë veprimet e tyre e parimet.
“Ata jo vetëm përfunduan duke vënë në pikëpyetje integritetin e luftës për liri të Kosovës, por gjithashtu përmes veprimeve të tyre presopopzuan e hamendësuan sikur nuk kishin pasur asnjëherë asgjë të tillë. Pas ndërhyrjes së NATO-s, prokurorja Karla Del Ponte publikoi një libër kujtimesh ku pretendonte se krimet e tmerrshme ishin kryer nga udhëheqësit e UÇK-së përfshirë mbi të gjitha trafikimin e organeve njerëzore. Libri natyrshëm shkaktoi valë tronditje në mbarë botën dhe kjo akuzë zuri faqet e para nga Evropa e në Australi”, u shpreh Rama.
Rama theksoi se akuzat u mohuan kategorikisht në Kosovë.
“Këto akuza tërhoqën edhe vëmendjen e Vladimir Putinit pikërisht në këtë Këshill. Kosaqevi vet një parlamentar që përfaqësonte partinë e Putinit u përball më vonë me sanksione nga SHBA dhe BE-ja, ndërkohë që ky njeri ra, puna e tij mbeti dhe vazhdoi përmes këshillit të Evropës. Mocioni i tij u mor nga ky organizëm i nderuar që bekoi një ekip për të përgatitur një raport. Diplomatët serb më vonë u mburrën sesi ky raport mbështetej nga dosjet që ishin paraqitur nga prokurorët serb për krime lufte. Raporti përmendte me emër drejtues të lartë të UÇK-së dhe i akuzonte për kryerjen e krimeve të tmerrshme, përfshirë trafikimin e organeve para dhe pas luftës. Delegacioni shqiptar atëherë këtu i pranishëm, nuk e pengoi këtë edhe megjithëse nuk pati asnjë provë nga ato që autorët pretendonin se kishin përfituar gjatë hetimit, u miratuan fjalë për fjalë”, tha Rama.
Kryeministri kërkoi që këto pretendime të dyshimta të ndalën. “Ndaluni këto pretendime janë mjaft të dyshimta, shtëpia e verdhë fantazmë e gjeti rrugën deri këtu”, tha Rama. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Historiani Noel Malcolm: Kushtëzimi i anëtarësimit të Kosovës në KiE me Asociacionin është një qasje e padrejtë
Zyrtari i NATO-s: Maqedonia e Veriut hyri në Aleancë me emrin e ri kushtetues
Sondazhi i International Republican Institute: Presidentja Osmani, liderja më e besuar në rajon
Policia gjen arsenal armatimi në veri të Kosovës
Ahmeti: Komiteti i Ministrave nuk e adreson rekomandimin e Asamblesë Parlamentare për anëtarësimin e Kosovës në KiE
Shiu i furishëm, vërshohet kryeqyteti
Armatimi që u gjet nga Policia e Kosovës në veri
Pse Kurti është i interesuar për zgjedhje gati në fund të mandatit?
Vrasje e dyfishtë në Shkup, një person dyshohet se vrau vëllain e tij
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Ndjehen lëkundje toke në Kosovë
Kërkesa e çuditshme që ka bërë Mbappe për t’u transferuar tek Real Madridi
Mbappe shpallet më i miri në Francë – Zhegrova mbetet pa çmim dhe jashtë formacionit të vitit
Kurti i gatshëm për zgjedhje, kërkon konsensus me partitë opozitare
Pamjet tregojnë ‘Old Trafford’ drejt shkatërrimit – Ronaldo kishte të drejtë kur foli për kushtet e klubit
Pjesë e Big Brother VIP Kosova? Luiz Ejlli befason me përgjigjen