Ushtarët rusë kishin jetuar në një stallë të derrave në një fshat të Khersonit – del videoja që tregon gjësendet e tyre dhe makinat për larje

Shërbimi ukrainas i sigurisë thotë se disa ushtarë rusë në një fshat të pushtuar në rajonin jugor të Khersonit u zhvendosën në një stallë të derrave për shkak të mungesës së akomodimit alternativ, raporton CNN, përcjell Telegrafi.

Rusët kishin pushtuar fshatin Lyubymivka, tha shërbimi i sigurisë, ku rreth 70 për qind e ndërtesave ishin shkatërruar gjatë granatimeve.

Derisa oficerët rusë kishin marrë shtëpi private, disa nga ushtarët kishin jetuar në një stallë të derrave.

Lyubymivka u çlirua në fillim të kësaj jave.

Shërbimi i sigurisë tha se në fshat kishin mbetur rreth 200 civilë kur ra këtë javë. Gjatë pushtimit, vendasve u ishte ndaluar të dilnin jashtë pas orës 18:00 koha lokale. Shërbimi tha se ushtarët rusë kishin marrë ushqim dhe alkool nga banorët vendas dhe kishin fshehur armatimin e tyre në zonat e banuara në mënyrë që të mos zbuloheshin nga dronët ukrainas.

Shërbimi i sigurisë tha gjithashtu se kishte gjetur makina larëse të vjedhura në fermën e derrave.

Një video që besohet të jetë xhiruar nga Shërbimi i Sigurisë i Ukrainës tregon stallën e derrave ku kishin jetuar ushtarët rusë.

Kherson region. Russian soldiers lived in a pigsty.

But they didn’t forget to loot the washing machines.

?: Security Services of Ukraine pic.twitter.com/W4vAft7wtC

— Anton Gerashchenko (@Gerashchenko_en) October 7, 2022

Aty mund të shihen gjësendet e tyre, përfshirë rrobat si dhe makinat e larjes së rrobave. /Telegrafi/