Kryeministri i Shqipërisë, Edi Rama ka bërë sot publike një foto me Presidentin e Francës, Emmanuel Macron në kuadër të takimit të Komunitetit Politik Evropian të mbajtur ditën e djeshme në Pragë.
Ajo që vihet re është komenti i Ramës që shoqëron foton. Ai shkruan: “Kundër s’ka, miratohet”, si një shenjë për dakordësinë e arritur midis liderëve evropian për nismën e re të Komunitetit Politik Evropian, si një ide e presidentit francez, raporton Telegrafi Shqipëri.
Pas takimit Rama nga Praga është shprehur se Evropa ndodhet në prag të një lufte të mundshme, siç do të ishte Lufta e Tretë Botërore.
Për këtë arsye, Kryeministri Rama ka shprehur hapur mbështetjen e Komitetit Politik Evropian pasi thekson se politika e tërë është shtysë e një rruge të re bashkëjetese.
“Ja pse premtimi, joshja, mundësia e një Komunitetit Politik Evropian të ri është kaq tërheqëse”, thekson kryeministri Rama në një video mesazh të publikuar në Facebook.
Por çfarë është Komunitetit Politik Evropian?
Ideja e Komunitetit Politik Evropian e nisur nga presidenti francez Emmanuel Macron u mbështet nga liderë të tjerë evropianë dhe u përqafua dhe nga ata të institucioneve evropiane, si presidentja e Komisionit Evropian, Ursula von der Leyen, e cila ka deklaruar në 14 shtator 2022, se Komisioni Evropian ka idetë e tij për këtë komunitet.
Komuniteti Politik Evropian ofron së pari një qasje politike në institucionet kyçe evropiane. Siç është shprehur në samitin evropian të 23 qershorit, Charles Michel, Komuniteti Politik do të takohet të paktën dy herë në vit në nivelin e liderëve, ku dialogu politik do të zhvillohet në baza të barabarta.
Po ashtu, qasja në takimet e familjeve të gupeve politike, të cilat mbahen përpara samiteve, do të ishte gjithashtu e hapur për vendet jo anëtare të BE-së. Formacionet politike të këtyre vendeve mund të integrojnë partitë politike evropiane. Ky përfaqësim politik mund të reflektohet edhe në Parlamentin Evropian, ku delegacionet nga vendet jo-anëtare mund të marrin pjesë në seancat plenare si vëzhgues, duke përfituar nga e drejta e fjalës dhe e kontributit në punën e komisioneve parlamentare, pa të drejtë vote, përveçse për rezolutat e miratuara nën kujdesin e Komunitetit Politik Evropian.
Takimet e Komunitetit mund të mbahen edhe në nivel ministror. Ajo që përbën interes, është se ofrohet mundësia që ministrat e jashtëm të vendeve të Ballkanit Perëndimor t’u bashkohen takimeve të Këshillit të punëve të jashtme të BE-së në baza të rregullta, në varësi të agjendës.
Dhe formacione të tjera, si Këshilli i punëve të përgjithshme, ku diskutohet për procesin e zgjerimit të BE-së mund të frymëzohen nga një shembull i tillë. Kjo do të thoshte, që ministrat e Ballkanit Perëndimor të jenë prezentë në varësi të agjendës, kur diskutohet për vendet e tyre.
Kjo nismë është parë si domosdoshmëri për periudhën në të cilën ndodhet sot Evropa, sidomos pas agresionit rus në Ukrainë. /Telegrafi/
Promo
Reklamo këtuLufta Prigozhin - Putin
Më shumë25 vjet burgim për Enver Sekiraqën
Dënohet me 24 vjet burgim prizrenasi, kishte dhunuar seksualisht dy vajza nën moshën 14-vjeçare
“Sentinel Lymphnod Biopsy”, pajisje tjetër për SHSKUK nga fondacioni Jahjaga
Hapet dyqani i parë social në Prishtinë, Rama: Qytetarët në nevojë mund të furnizohen çdo muaj falas me produkte ushqimore e higjienike
Rënia e Kosovës për 19 vende në indeksin e “Reporterëve Pa Kufij”, reagimet e ambasadës gjermane dhe amerikane
Mediat në Ballkan, politika, ndikimi dhe sulmet ndaj gazetarëve “Reporterët Pa Kufij” japin alarmin e shqetësimin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe