McGregor zbulon kundërshtarin më të vështirë me të cilin është përballur në karrierën e tij, injoron Khabib Nurmagomedovin

Conor McGregor mori pjesë në një seancë ‘pyetje dhe përgjigje’ në Tëitter teksa zbuloi kundërshtarin më të fortë të karrierës së tij dhe dha parashikimin e tij për ndeshjen e kampionatit të peshave të lehta në UFC këtë muaj.

Irlandezi bëri disa përgjigje nga pyetjet e drejtuar në mediat sociale përpara rikthimit të tij të pritshëm në UFC.

Duke marrë pjesë në një seancë “Pyetje dhe Përgjigje”, ai emëroi rivalin e vjetër Nate Diaz si kundërshtarin e tij më të fortë, duke e shpërfillur pamëshirshëm ish-‘armikun’ e tij, Khabib Nurmagomedov.

I pyetur nga një fans për të përmendur kundërshtarin e tij më të fortë me të cilin është përballur gjatë karrierës së tij deri më sot, ai u përgjigj: “Nate”.

Nate. https://t.co/UY4lX5CdII

— Conor McGregor (@TheNotoriousMMA) October 4, 2022

Natyrisht, McGregor ka një seri legjendare me dy luftime me Nate Diaz, pasi ka shkuar këmbë më këmbë në UFC 196 dhe UFC 202 në vitin 2016.

McGregor, i cili mbajti titullin e peshave të lehta të UFC në vitin 2016 para se të humbte, do të jetë një vëzhgues i mprehtë i ndeshjes së ardhshme kryesore në UFC 280 më 22 tetor.

Charles Oliveira dhe Islam Makhachev do të garojnë për titullin e lirë të UFC-së në peshën e lehtë në Etihad Arena në Abu Dhabi dhe McGregor e ka mbështetur Oliveiran që të rimarrë kampionatin.

https://twitter.com/TheNotoriousMMA/status/1577435041747329025

“Olly dhe lehtë”, parashikoi McGregor kur u pyet për fituesin e tij.

Ndryshe, McGregor nuk ka luftuar që kur pësoi një thyerje të këmbës në humbjen e tij në nokaut teknik ndaj Dustin Poirier vitin e kaluar. /Telegrafi/