Lëvizja Vetëvendosje (LVV), përmes një videoje të publikuar të hënën në Facebook, ka kritikuar opozitën duke thënë se për 20 vjet rresht në Kosovë kanë qeverisur “shkatërruesit e shtetit”. Aty ndër të tjera përmenden tenderët, ryshfeti, haraçi, krimet e korrupsioni si qëllime të përbashkëta të ish-pushtetarëve.
Përmbajtjen e kësaj videoje po e cilëson si fyese dhe linçuese profesori i Shkencave Politike, Dritëro Arifi.
Ai në një prononcim për Telegrafin, tha se publikimi i një videoje të tillë “dëshmon paaftësinë e Qeverisë Kurti”.
“Video e publikuar nga LVV-ja është politike, por me përmbajtje jashtëzakonisht bizare, fyese, linçuese dhe aspak argumentuese. Po vërehet se projektet që i kanë paraparë nuk e kanë arritur maksimumin e tyre. Dështimi në energji, dështimi në ekonomi në kuptimin e sanimit të krizës dhe në fund luftë e hapur me sindikatat”.
“Publikimi i kësaj video vetëm e dëshmon paaftësinë e Qeverisë, pra duke dashur ta hedhë fajin diku tjetër. Në vend të kësaj video është dashur të jetë më shumë promovimi i paqes, tolerancës, bashkëpunimit e suksesit dhe jo e kundërta”, u shpreh Arifi.
Tutje, tha se një parti apo qeveri e zgjuar nuk bën video të tilla ankuese e fyese, por duhet ta promovojë tolerancën dhe bashkëpunimin.
“Sepse vetëm kur ka tolerancë në një shoqëri mund të flasim për suksese të përbashkëta. Ndërtimi i një shteti asnjëherë nuk është çështje individuale apo partiake”.
Në fillim të videos, shfaqet një fotografi ku shihen Hashim Thaçi, Fatmir Limaj, Kadri Veseli, Ramush Haradinaj e Behgjet Pacolli të ulur bashkë në një tavolinë, e të cilët partia në pushtet i quan “shkatërrues të shtetit që nuk duan ta shohin Kosovën mirë”.
Një veprim i tillë, sidomos paraqitja e dy figurave politike që po gjykohen në Hagë për krime lufte, si “hajna”, sipas analistit Arifi dëshmon se Vetëvendosje e ka humbur edhe kuptimin njerëzor e etik.
“Vendosja e figurave politike në një kontekst aq negativ sikur të gjithë janë hajna, kjo dëshmon se Vetëvendosje e ka humbur edhe kuptimin njerëzor e etik, duke ditur se një pjesë e tyre janë duke u gjykuar në Hagë për krimet e supozuara ndaj civilëve serbë dhe të tjerëve. Ndaj, është jokorrekte që një parti e cila është në pushtet të merret me figurat që as nuk janë në Kosovë”.
“Pra, me atë video LVV-ja lë të kuptohet se po e sheh veten nga pozita e opozitës. Pra, po tregojnë se ende janë në opozitë dhe duhet shumë kohë për të arritur diçka. Është frustruese mënyra si e kanë paraqitur veten dhe kontekstin politik në atë video”, përfundoi ai.
Ndaj kësaj video të LVV-së kanë reaguar ashpër subjektet opozitare.
Kryetari i Partisë Demokratike të Kosovës (PDK), Memli Krasniqi, duke e quajtur video propaganduese që nxitë urrejtje e ndasi.
“Prej ndëshkimit diskriminues për të gjithë mësimdhënësit, përmes ndalesës joligjore të pagave, e deri te videoja propaganduese për të nxitë edhe më shumë urrejtje e ndasi, Albin Kurti edhe sot tregoi që kurrë nuk do të bëhet lider, por do të mbetet vetëm një përçarës kronik. Kryeministri është kryemashtruesi i Kosovës. Shumë shpejt i doli boja”, ka shkruar Krasniqi në Facebook.
Ndërsa, deputeti i Lidhjes Demokratike të Kosovës (LDK), Avdullah Hoti, ka thënë se partia në pushtet i është kthyer propagandës së mashtrimit.
Sipas Hotit, LVV-ja do të duhej që të promovonte investime të reja si në infrastrukturë, arsim, shëndetësi, kulturë e sektorë të tjerë, dhe jo të merret me “shantazh ndaj atyre që e kundërshtojnë atë”.
“Pas një viti e gjysmë në qeverisje, në vend që partia në pushtet të promovojë rrugë të reja, shkolla e spitale të reja, njohje të reja për shtetin e Kosovës, stadiume sipas standardeve të FIFA-s, furnizim me ujë për fshatrat që ende nuk kanë ujë, investime në sisteme të ujitjes në bujqësi, ajo parti i kthehet propagandës së mashtrimit, shantazhit ndaj atyre që e kundërshtojnë dhe fajësimit të qeverive të mëparshme për mungesën e rezultateve të veta”, ka thënë Hoti.
Lidhur me këtë çështje, ka reaguar edhe Aleanca për Ardhmërinë e Kosovës.
Nga kjo parti opozitare kanë thënë se LVV-ja po shpërndan gënjeshtra apo gjysmë të vërteta, dhe të vërteta të shtrembëruara, në mënyrë që të diskreditojnë kundërshtarin.
Zëdhënësi i kësaj partie, Lulëzim Blaka, ka theksuar se “prodhimi i fundit i agjitacionit dhe propagandës së VV-së, është shpërfaqje e metodave manipulative të tyre, metoda të përdorura gjatë tërë ekzistencës së tyre të fëlliqur në politikën kosovare”. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Humb kontrollin e mjetit dhe bie në Lumin Lana, vdes shoferi
“Jam Taulant Balla. Më duhen urgjent 100 mijë euro”, biznesmeni në Shqipëri bie pre e mashtrimit
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
“E çela vrimën në mur, i preva tre palë tela dhe ika arave deri në Lipjan”- Arratisja e Faton Hajrizit nga Bondsteel-i dhe Burgu i Pejës
Server: Qeveria e re e Serbisë me bashkëpunëtorë të sulmit terrorist të Banjskës
Knaus "godet" sërish: Kushtëzimi i anëtarësimit të Kosovës në KiE me krijimin e Asociacionit pamundëson realizimin e të dyjave
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Konjufca i zhgënjyer me BE-në: Me padurim doni të punoni me qeverinë serbe pro-ruse, e neve nuk na hiqni masat
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City