Sarah Jessica Parker me dedikim për njerkun që ndërroi jetë, zotohet të kujdeset për nënën e saj

Aktores Sarah Jessica Parker do t’i mungojë gjithmonë njerku i saj, i cili vdiq në moshën 76 vjeçare në fillim të kësaj jave pas një sëmundjeje të shkurtër.

57-vjeçarja humbi të mërkurën njerkun Paul Giffin Forstre – i cili ishte martuar me nënën e saj, Barbara, në vitin 1969. Ajo shkroi në Instagram se premton të përkujdeset për nënën e saj.

Krahas një imazhi bardh e zi të Paulit në vitet e tij të rinisë, aktorja shkroi në Instagram: “Paul Giffin Forste 1946-2022 Godspeed. RIP I fortë si dem. Deri në fund. Në shtëpi dhe mes të gjithë atyre që të donin shumë, do të na mungosh gjithmonë. Ne do të kujdesemi mirë për nënën, të cilën e adhurove për 54 vjet”.

View this post on Instagram

A post shared by SJP (@sarahjessicaparker)

Menjëherë pas ngjarjeve tragjike, familja e tij e kujtoi Paulin si një “frymë dashurie dhe tw mirësisë”, transmeton KP.

Ylli i “Sex and the City” – nëna e të cilës u divorcua nga babai i saj biologjik Stephen në vitin 1968 – duhej të nderohej në Galanë e 10-të të Modës së Vjeshtës së Baletit të New Yorkut, por disa minuta pasi mbërriti në Teatrin David H. Koch, ajo u kthye dhe u largua përsëri.

Nga skena u njoftua se aktorja, e cila është nënkryetare për Bordin e Drejtorëve, u desh të tërhiqej nga ngjarja për shkak të një “situate të papritur shkatërruese familjare”.