“Rusia është e vetmja fije shprese që na ka mbetur”, ka thënë Milos Damjanoviq, një historian lokal në pjesën kryesisht serbe të qytetit të Mitrovicës, në Kosovë, dhe një besimtar i zjarrtë se Perëndimi dhe aleanca ushtarake e NATO-s ishin përgjegjës për copëtimin e Jugosllavisë, pjesë e së cilës Kosova ishte deri në luftërat ballkanike të viteve 1990.
Kjo është njëra nga deklaratat përmes së cilave mediumi prestigjioz The New York Times, përshkruan “disponimin” në veri të Kosovës, përcjell Telegrafi.
Në këtë drejtim, NYT sjell edhe një imazh në rrugën kryesore nga Mitrovica në veri – pranë një postblloku të drejtuar nga ushtarë amerikanë, përcjell Telegrafi.
Aty, thekson mediumi amerikan, një billbord i siguron serbët vendas se ata nuk po qëndrojnë të vetëm kundër Perëndimit dhe se ende kanë miq me ndikim: Ai shfaq fotografitë e presidentit Vladimir V. Putin të Rusisë, presidentit të Serbisë, Aleksandar Vuçiq dhe yllit serb të tenisit Novak Gjokoviq, të cilët u nderuan si “qytetarë nderi” të një vendbanimi etnik serb aty pranë.
Siç vë në pah NYT, Putini nuk është paraqitur për të marrë titullin e tij të nderit, por ai ende figuron dukshëm në mendjet e shumë banorëve si një shpëtimtar i mundshëm dhe i shumëpritur, i fundit në një varg të gjatë të rusëve që, sipas serbëve, kanë punuar pa u lodhur për të mbrojtur “vëllezërit” e tyre sllavë nga të huajt armiqësorë, veçanërisht nga myslimanët.
Veç kësaj, mediumi amerikan tregon se në qendër të Mitrovicës qëndrojnë statuja që nderojnë Princin Llazar dhe Grigory Scherbina, një i dërguar rus në rajon i cili u vra pranë qytetit nga një ushtar mysliman në vitin 1903.
Një mbishkrim në statujën e të dërguarit thotë: “Një pikë gjaku vëllazëror rus i bashkohet gjakut serb që rrjedh prej shekujsh”.
Por aty nuk përmendet se i dërguari rus ishte me origjinë ukrainase.
Sidoqoftë, përveç mbështetjes së Serbisë në Kombet e Bashkuara dhe dhënies së peshës diplomatike pretendimeve se Kosova ende i përket Serbisë, Rusia ka ofruar pak në rrugën e ndihmës konkrete.
Duke përmendur vazhdimisht ndërhyrjen e Perëndimit në Kosovë për të justifikuar “sekuestrimin” e Krimesë dhe tokave të tjera ukrainase nga Rusia, Putini ka minuar parimin e integritetit territorial mbi të cilin Serbia e vendosë pretendimin e saj ndaj Kosovës.
Por, tha Marko Jakshiq, një ish-këshilltar lokal në Mitrovicën e Veriut – pjesa etnike serbe e qytetit: “Kur humbet çdo shpresë, beson në mrekulli. Për shumë njerëz këtu, Rusia është shpresa e fundit e mbrojtjes”.
Si konkluzion, shumica e serbëve etnikë, qofshin ata që jetojnë në Serbi apo në pjesë të tjera në Kosovë dhe në Bosnje dhe Hercegovinë, e shohin Rusinë si mikun e tyre, jo sepse u pëlqen domosdoshmërisht se ku e ka çuar Putini vendin e tij, por sepse e urrejnë NATO-n.
Ndërkohë të pyetur nga anketuesit vitin e kaluar se kush ishte “mbrojtësi më i mirë i interesave serbe”, më shumë se 65 për qind e banorëve në veri të Kosovës zgjodhën Rusinë dhe vetëm 3 për qind Shtetet e Bashkuara.
Shkrimi i NYT konsideron më tej se roli i Mitrovicës së Veriut si një kështjellë e ndjenjave pro-ruse ka krijuar një problem për Vuçiqin, presidentin serb.
Ai ka refuzuar vendosjen e sanksioneve ndaj Moskës për pushtimin dhe për vite me radhë, ai ka nxitur ndjenjën e viktimizimit të serbëve.
Në të njëjtën kohë, megjithatë, ai ka punuar për të bindur Perëndimin se ai nuk është në “anën” e Kremlinit.
Por të kujdesshëm për t’u cilësuar si ekstremistë dhe për të prishur “aktin balancues” të Vuçiqit midis Lindjes dhe Perëndimit, zyrtarët serbë etnikë në veri të Kosovës ofrojnë vetëm mbështetje të heshtur për Rusinë dhe mohojnë të kërkojnë mbështetje nga Moska.
“Rusia ka simpati këtu, por ne nuk po kërkojmë ndihmë prej saj”, ka thënë Igor Simiq, nënkryetari i partisë kryesore politike që përfaqëson serbët në Kosovë. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Ndalohet një person në Tetovë, dyshohet për vjedhje
Dita e Lirisë së Shtypit, Rama: Duhen veprime të mëtejshme për të përmirësuar mjedisin mediatik
Osmani: Liria e shtypit thelbësore për demokracinë – beteja kundër lajmeve të rreme dhe dezinformatave nuk ka qenë kurrë më urgjente
Dënohet me 24 vjet burgim prizrenasi, e kishte dhunuar seksualisht një vajzë nën moshën 14-vjeçare
Mediat në Ballkan, politika, ndikimi dhe sulmet ndaj gazetarëve “Reporterët Pa Kufij” japin alarmin e shqetësimin
Dhoma e Tregtisë dhe Industrisë kërkon ndryshime urgjente në kalendarin e festave zyrtare - të mos pushohet në ditët e javës kur festat bien në vikend
Rama: Spitali i Kryeqytetit po bëhet, shumë shpejt projekti do të tenderohet
Gjilan, një person refuzon të ndalet para policisë - polici përmes xhamit ia merr çelësat dhe fikë veturën e tij
Mexhiti, Ahmetit: A është e vërtetë se keni bërë thirrje për bojkot të zgjedhjeve presidenciale
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe