“Nëse luftoni, liroheni – nëse ikni, vriteni”, pamjet se si kërcënohen të burgosurit rusë në rast dezertimi në Ukrainë

Rusia po pëson humbje të njëpasnjëshme në Ukrainë dhe kjo ka detyruar presidentin rus, Vladimir Putin të nis rekrutimin e të burgosurve për luftën në Ukrainë.

Gazetari ukrainas, Yaroslav Trofimov publikoi pamje ku të burgosurit rusë po detyroheshin të bëhen pjesë e “Wagnerit”.

Fjalimin para të burgosurve po e mbante oligarku dhe financuesi rus i grupit, Yevgeny Prigozhin.

“Për herë të parë shfaqet një video e një bisede rekrutimi për ‘Wagner’ nga Prigozhin, në një kamp burgu rus. Befasuese”, shkroi Trofimov.

“Askush nuk kthehet prapa hekurave. Nëse shërben gjashtë muaj, je i lirë. Nëse arrini në Ukrainë dhe zmbrapseni, ne ju ekzekutojmë”, dëgjohet duke thënë Prigozhin.

Ndryshe, “Wagner” është grup privat rus që njihet për krime mizore dhe përdhunime. Shumica prej anëtarëve të tij, janë të burgosur apo persona që kanë vuajtur disa vjet burgim. Ky grup mercenarësh ishte aktivizuar në Siri. /Telegrafi/

For the first time, a video emerges of a recruitment talk for Wagner by Prigozhin in a Russian prison camp. Absolutely bonkers. “Nobody goes back behind bars. If you serve six months, you are free. If you arrive in Ukraine and decide it’s not for you, we execute you.” pic.twitter.com/9rlAbhKaQW

— Yaroslav Trofimov (@yarotrof) September 14, 2022