Princi Harry dhe Meghan Markle iu bashkuan pjesës tjetër të familjes mbretërore për të përshëndetur arkivolin e Mbretëreshës Elizabeth II në Pallatin Buckingham në Londër të martën (13 shtator).
Cifti i Sussex-it ishin me Princin William dhe Kate Middleton, si dhe me mbretin Charles III dhe bashkëshorten e mbretit Camilla, ndërsa trupi i Mbretëreshës mbërriti nga Skocia, transmeton Page Six.
Arkivoli i Mbretëreshës u transportua në Pallatin Buckingham në një makinë, ndërsa turma njerëzish u mblodhën jashtë territorit të pallatit për të parë autokolonën dhe për të vajtuar humbjen e monarkut më jetëgjatë të Britanisë.
Gjatë fundjavës, Markle dhe Harry u ribashkuan me Princin dhe Princeshën e Uellsit për t’i bërë homazhe Mbretëreshës jashtë Kështjellës Windsor.
Takimi shënoi herën e parë që ata u shfaqën publikisht me William dhe Kate që nga marsi i vitit 2020, kur ata u fotografuan së bashku për Ditën e Commonwealth.
Një burim i tha Page Six se William i kishte bërë një ftesë vëllait dhe gruas së tij për të iu bashkangjitur.
“Ne të gjithë jemi shumë mirënjohës – të dyja palët i lanë mënjanë të gjitha gjërat për Mbretëreshën”, kishte thënë një burim i familjes mbretërore.
Javën e kaluar, Harry kishte nxituar të ishte pranë Mbretëreshës pasi familja njoftoi se shëndeti i saj u përkeqësua. Megjithatë, ai nuk ia doli në kohë dhe mbërriti disa orë pasi ajo vdiq.
Duka i Sussex-it kishte udhëtuar nga Gjermania në Skoci për të provuar të shihte gjyshen e tij pa Markle. Në vend të kësaj, ajo mbeti në Londër.
Një ekspert mbretëror pohoi se Markle qëndroi pas sepse kishte frikë se nuk do të mirëpritej nga familja mes tensioneve.
Familjarët Sussex, të cilët lanë detyrat e tyre mbretërore dhe u transferuan në Kaliforni në vitin 2020, ishin të dy në Gjermani kur u publikuan lajmet për shëndetin e Mbretëreshës.
Kate Middleton kishte qëndruar gjithashtu në Angli për të qenë me fëmijët e saj dhe të William – Princit George, Princesha Charlotte dhe Princi Louis – për ditën e tyre të parë të shkollës.
Markle dhe Harry e panë për herë të fundit Mbretëreshën kur ishin në qytet duke festuar jubileun e saj Platinum në qershor.
Gjatë vizitës së tyre, Mbretëresha u takua me vajzën e tyre 1-vjeçare, Lilibet, dhe kaloi kohë me djalin e tyre 3-vjeçar, Archie.
Harry ndau një deklaratë emocionale për vdekjen e gjyshes së tij në fillim të kësaj jave.
“Gjyshe, ndërsa kjo ndarje përfundimtare na sjell një pikëllim të madh, unë jam përgjithmonë mirënjohës për të gjitha takimet tona të para – që nga kujtimet e mia të hershme të fëmijërisë me ty, tek takimi me ty për herë të parë si komandanti im i përgjithshëm, deri në momentin e parë që ti takove gruan time të dashur dhe përqafove stërnipërit e tu të dashur”, tha Harry.
“I vlerësoj këto kohë që kalova me ju dhe shumë momente të tjera të veçanta. Tashmë po na mungoni shumë”, u shpreh Princi.
Mbretëresha vdiq më 8 shtator në moshën 96-vjeçare dhe qëndroi në fron për 70 vjet.
Funerali i saj shtetëror do të bëhet në Westminster Abbey të hënën, më 19 shtator. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Arbana Osmani publikon fotografi me bikini nga pushimet me bashkëshortin në rezidencën e dikurshme të Pablo Escobarit
Dafina Zeqiri thekson muskujt e formësuar të barkut në fotografitë atraktive nga palestra
“Si të dalloni milionerët e vërtetë nga mashtruesit”, Megi Pojani dhe motra e saj tregojnë sekretin
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Beatrix Ramosaj tërheq vëmendjen me fotografitë e reja nga Florida, thekson linjat trupore në fustanin portokalli
Organizatorët e Eurovisionit njoftojnë se do të heqin flamujt palestinezë: Kushdo që sjell një të tillë, do të ndalohet nga rojet
“Po kalojnë një ferr”, stilistja e çiftit mbretëror rrëfen situatën në pallat pasi Princesha e Uellsit u diagnostikua me kancer
"Duke dalë nga kafazi", Bebe Rexha duket atraktive me stilin e saj urban në fotografitë e fundit
Adelina Ismaili shfaqet me veshje kombëtare në emisionin e saj, teksa interpreton live këngën "Me gojë hapur ka mbetur Serbia"
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City