SHBA miraton 675 milionë dollarë armë shtesë për Ukrainën ndërsa ministrat e mbrojtjes takohen në Gjermani

SHBA miraton një pako prej 675 milionë dollarë armë shtesë për Ukrainën ndërsa ministrat e mbrojtjes takohen në Gjermani

Presidenti i SHBA-së, Joe Biden ka miratuar një shtesë prej 675 milionë dollarësh armë për Ukrainën, tha të enjten Sekretari i Mbrojtjes, Lloyd Austin.

Shtetet e Bashkuara mblodhën aleatët e tyre në bazën ajrore Ramstein në Gjermani për një raund të ri bisedimesh për forcimin ushtarak të Kievit, pasi Ukraina raportoi “lajm të mirë” në rimarrjen e disa vendeve në lindje.

Duke vënë në dukje se forcat ukrainase kanë filluar kundërsulmin e tyre në jug të vendit, Austin tha: “Tani, ne po shohim suksesin e dukshëm të përpjekjeve tona të përbashkëta në fushën e betejës”.

Sekretari i Përgjithshëm i NATO-s, Jens Stoltenberg do të jetë në mesin e të pranishmëve, i cili përfshin ministra dhe shefa ushtarakë nga më shumë se 40 vende.

Raundi i pestë i bisedimeve nën formatin e “Grupit të Kontaktit të Mbrojtjes së Ukrainës” erdhi pasi presidenti Volodymyr Zelensky tha se forcat e tij kishin rimarrë disa vendbanime në rajonin verilindor të Kharkivit nga rusët.

Ukraina gjithashtu ka zhvilluar një kundërofensivë në jug të vendit që nga java e kaluar, ku ka pretenduar se ka rimarrë disa fshatra.

Kievi u ka kërkuar në mënyrë të përsëritur aleatëve më shumë armë të rënda. Kryeministri Denys Shmygal e përsëriti kërkesën kur ai vizitoi Gjermaninë të dielën.

Ndër çështjet që do të ngrihen në Ramstein janë sfidat e prodhimit dhe rimbushjes së armëve, pasi “ka një konsum të konsiderueshëm municionesh në drejtimin e kësaj lufte që po ndodh në Ukrainë”, tha gjenerali i lartë amerikan Mark Milley. /Telegrafi/