OBRM-PDUKM: Nëse Qeveria do të punonte si duhet, nuk do të kishte rritje të çmimit të rrymës elektrike

Partia opozitare maqedonase ka vazhduar me akuzat në drejtim të Qeverisë për menaxhim të situatës me energjinë elektrike.

Nga kjo parti thonë se situata energjetike në Maqedoni është një fatkeqësi për shkak të kriminalitetit të qeverisë.

“Prodhimi vendor i energjisë elektrike gjatë SDS-së antimaqedonase është zvogëluar për 3 teravat orë dhe qytetarët dhe ekonomia paguajnë shumat e nevojshme nga importi. Kompanitë maqedonase tani paguajnë deri në 800 euro për megavat-orë, që është më e shtrenjtë se të gjitha kompanitë në rajon dhe kapacitetet energjetike prej 400 deri në 500 megavat mbesin të pashfrytëzuara. Nëse qeveria do të kishte vepruar si duhet dhe me përgjegjësi, rritja e çmimit të energjisë elektrike në korrik do të ishte parandaluar dhe rritja e re e paralajmëruar në dhjetor nuk do të kishte ndodhur”.

“Por qeveria e udhëhequr nga SDS-ja antimaqedonase vendosi të mbushë xhepat e tregtarëve të energjisë elektrike dhe t’i shkaktojë dëme miliona buxhetit. Për shkak të këtij operacioni, kompanitë shtetërore të energjisë u bënë humbëse dhe për shkak të çmimeve të larta, qytetarët dhe ekonomia u zhytën në një shkop lypësie. Duhet të ketë përgjegjësi për këtë lloj vjedhjeje të kryer nga qeveria”, thonë nga OBRM-PDUKM.