E prekur nga rasti i dhunimit të 11-vjeçares në Prishtinë, Dafina Zeqiri reagon e përlotur ndaj komenteve

Rasti i dhunimit të një 11-vjecçarjeje në Prishtinë nga pesë persona ka tronditur vendin dhe ka ngjallur reagime të shumta.

Në një park të kryeqytetit një vajzë e re 11-vjeçare përderisa ishte duke ecur ishte ndaluar e pastaj dhunuar seksualisht.

Policia e Kosovës tashmë ka bërë e ditur se të pesë personat e dyshuar për përfshirje në dhunim janë arrestuar.

Ndërkohë, e zëshme për këtë rast ka qenë edhe këngëtarja e njohur, Dafina Zeqiri e cila përmes disa postimeve në rrjetet e saj sociale, ndërsa edhe ka ftuar që të gjithë t’i bashkohen protestës së nesërme për të mbrojtje të grave dhe vajzave.

Ndërkohë, në një postim në llogarinë e saj në TikTok, Dafina është përlotur duke theksuar se përveç rastit të dhunimit është e prekur edhe nga komentet që merr.

“Keni kujdes. Ne të gjithë jemi njerëz me ndjenja dhe të drejta. Kjo mund të isha unë, ti, motra apo nëna juaj”. Unë po luftoj të them edhe fjalët që dua të them, aq e nervozuar, e trishtuar jam! Ndaloni këto dreq “kqyre qysh po veshni? Po qitni këngë seksi? Po i dridhni të pasmet në klub” ju nuk keni të drejtë të merrni çfarë nuk është e juaja edhe pikë”, ka shkruar Dafina sipër videos së publikuar.

Lexo po ashtu Të famshmit shqiptarë reagojnë ndaj rastit të dhunimit të 11-vjeçares në Prishtinë

Përveç, Dafinës edhe emra të tjerë të famshëm kanë reaguar, mesin e tyre edhe këngëtarja e njohur, Fifi e cila krahas protestës në Prishtinë ka kërkuar të organizohet një e tillë edhe në Tiranë.

Në Prishtinë pritet që nesër (e mërkurë) në ora 12:00 të mbahet një protestë në sheshin “Zahir Pajaziti”. /Telegrafi/

@dafinapipinazeqiriIm struggeling to even say the words i want to say thats how mad, sad, I am! Stop this bullshit “kqyre qysh pk veshni? Po qitni kong sexy? Pe dridhni botht n’cllube” u dnt have the RIGHT to TAKE WHATS NOT URS EDHE PIKE!!!!!♬ original sound – Dafina Zeqiri